වට්ස් ඇප් පරිශීලකයින්ගේ රහස්‍යභාවය සඳහා මෙන්ම පණිවිඩවලට අමතර ආරක්ෂාවක් සැපයීම වෙනුවෙන් secret code නමින් නව උපාංගයක් හඳුන්වා දී තිබෙනවා.
මෙම වසරේ මාර්තු මාසය තුළ වට්ස් ඇප් විසින් පරිශීලකයින්ගේ පණිවිඩ රහසිගත ලෙස පවත්වා ගැනීම සඳහා Chat Lock නමින් අංගයක් හඳුන්වා දී තිබුණා.
ඒ අනුව, ඊයේ (01) වට්ස් ඇප් වෙත අලුතින් එක් කරන ලද secret code යන නව අංගය ඔස්සේ Chat Lock මඟින් සඟවන ලද පණිවිඩ (chats) අන්තර්ගත ෆෝල්ඩරය සඳහා රහස් කේතයක් යෙදීමට අවස්ථාව සලසා දී තිබෙනවා.
එලෙස රහස් කේතයක් යෙදීමෙන් අනතුරුව එම ෆෝල්ඩරය අනෙකුත් වට්ස් ඇප් පණිවිඩ ලැයිස්තුවේ දිස් නොවන අතර WhatsApp search bar හි රහස් කේතය ඇතුළත් කිරීමෙන් පමණක් ඒ වෙත ප්‍රවේශ විය හැකියි.
මෙම secret code අංගය ලොව පුරා වට්ස් ඇප් පරිශීලකයින් වෙත තවත් මාස කිහිපයකින් අනතුරුව භාවිත කිරීමට හැකි වනු ඇති බවයි වාර්තා වෙන්නේ.
