මුදල් අමාත්‍ය බැසිල් රාජපක්ෂ මහතා විසින් ඊයේ පෙරවරුවේ කර්මාන්ත අමාත්‍යාංශයේ නිලධාරීන් සමඟ කර්මාන්ත සංගම්වල නියෝජිතයන්ගේ සාකච්ඡාවක් පවත්වා තිබුණා.
අරලියගහ මන්දිරයේදී වූ මෙම හමුවේ විෂයබාර අමාත්‍යවරයා වුණේ කර්මාන්ත අමාත්‍ය විමල් වීරවංශ මහතායි.
එහෙත් එම හමුව සඳහා කර්මාන්ත අමාත්‍ය විමල් වීරවංශ මහතා එක්වී සිටියේ නැහැ.
අමාත්‍ය විමල් නොසිටියත් ඔහුගේ අමාත්‍යංශ වන කර්මාන්ත අමාත්‍යාංශයේ ලේකම්වරයා ඇතුළු ඉහල නිලධාරීන් ඊට එක්ව සිටියා.
සාකච්ඡාවට සහභාගී නොවුන කර්මාන්ත අමාත්‍ය විමල් වීරවංශ මහතා දීඝවාපී චෛත්‍යයේ ප්‍රතිසංස්කරණයට අවශ්‍ය ගඩොල් නිෂ්පාදනය සඳහා සුවිශේෂී මැටි වර්ග සහ තාක්ෂණ උපදෙස් කර්මාන්ත අමාත්‍යාංශය යටතේ පවතින ලංකා පිඟන් සංස්ථාව හරහා ලබාදීමට ගොස් තිබුණා.
ඒ ආරක්ෂක අමාත්‍යාංශයේ ලේකම් ජෙනරාල් කමල් ගුණරත්න (විශ්‍රාමික), ලංකා පිඟන් සංස්ථාවේ සභාපති ජූඩ් ප්‍රනාන්දු, එහි සාමාන්‍යාධිකාරී ආර්. එම්. එස්. ඒ. රත්නායක යන මහත්වරු සමඟයි.
