ගතවූ පැය 24 තුළ රිය අනතුරු හේතුවෙන් පුද්ගලයින් 11 දෙනෙකු ජීවිතක්ෂයට පත්ව තිබෙනවා
පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසන්නේ ඒ අතුරින් මරණ 08ක් පෙරේදා (21) දින සිදුවූ රිය අනතුරුවලින් සිදුව ඇති අතර අනෙක් මරණ තුන ඊට පෙර සිදුවූ අනතුරුවලින් රෝහල් ගතව ප්‍රතිකාර ලබමින් සිටි අය බවයි.
මෙම මරණ වලින් පදිකයින් දෙදෙනෙක්, යතුරුපැදිකරුවන් 06ක්, පාපැදිකරුවන් දෙදෙනෙක් සහ ලොරි රථයක ගමන් කළ එක් පුද්ගලයෙක් සිටින බවත් මාර්ගයේ ගමන්කරන පදිකයින් සහ කුඩා වාහනවල ගමන් ගන්නා පුද්ගලයින් වැඩිවශයෙන් රිය අනතුරුවලට භාජනයව ජීවිතක්ෂයට පත්වන බවත් පොලිස් මාධ්‍ය ප්‍රකාශකවරයා වැඩිදුරත් සඳහන් කළා.
