කොවිඩ් 19 වෛරසයේ ප්රභවය සෙවීමේ පරීක්ෂණ සදහා පුලුල් සහයෝගයක් ලබාදෙන්නැයි ලෝක සෞඛ්ය සංවිධානය චීනයෙන් විශේෂ ඉල්ලීමක් සිදුකර තිබේ.
ලෝක සෞඛ්ය සංවිධානයේ ප්රධානී ට්රෙඩ්රෝස් අද්හානෙම් ජීනිවාහිදී පවසා ඇත්තේ කොවිඩ් 19 වෛරසයේ ප්රහවය සෙවීමේ පරීක්ෂණවල දෙවන අධියර නුදුරේදීම ආරම්භ කරන බවයි.
එම පරීක්ෂණවලදී පුලුල් ප්රවේශයක් ලබාදී වැඩි විනිවිදභාවයකින් යුතුව කටයුතු කරන්නැයි ලෝක සෞඛ්ය සංවිධානයේ ප්රධානියා චීනයට අවධාරණය කොට තිබේ.
ඔහු තවදුරටත් සදහන් කර ඇත්තේ වසංගතය මහා පරිමාණයෙන් පැතිරයාමට පෙර මුල්ම අවස්ථාවල හදුනාගත් කොවිඩ් 19 ආසාදිතයන්ගේ දත්ත ලබාදීමට චීනය කටයුතු කළ යුතු බවයි.
කොවිඩ් 19 වෛරසයේ ප්රභවය සොයන ලෝක සෞඛ්ය සංවිධානයේ විශේෂඥ පරීක්ෂණවල මුල් අදියර පසුගිය පෙබරවාරි මාසයේදී පැවැත්විණ.
එහිදී චීනය විසින් නිසි සහයෝගයෙන් කටයුතු නොකඝ බවටත් ඇතැම් දත්ත ලබා නොදුන් බවටත් චෝදනා එල්ල වී තිබේ.