අජිත් රෝහණ මහතා ජ්‍යෙෂ්ඨ නියෝජ්‍ය පොලිස්පතිවරවකු ලෙස පත් කරන ලෙස පොලිස්පති වරයා පවා දැනුම් දී තිබිය දී ඔහු වැඩ බලන ජ්‍යෙෂ්ඨ නියෝජ්‍ය පොලිස්පතිවරවකු ලෙස පමනක් පත් කරීම සම්බන්ධයෙන් පොලිසිය අභ්‍යන්තරයෙන් බරපතල විවේචන එල්ල වෙමින් තිබේ.
රාජ්‍ය සේවා කොමිෂන් සභාවේ නිලධාරියකුගේ මැදිහත්වීම මත ඔහුට ජ්‍යෙෂ්ඨ නියෝජ්‍ය පොලිස්පති ධුරය නොදී එම තනතුරේ වැඩ බැලීමට පමණක් පත් කර තිබෙන බව වාර්තාවේ.
අජිත් රෝහණ මහතා පොලිස් නිලධාරියකුට අමතරව නීතිඥයකුද වන බැවින් ඔහු පොලිස් සේවයේ ඉදිරියට එනවාට අකමැති ජ්‍යෙෂ්ඨ නියෝජ්‍ය පොලිස්පතිවරයකුගේ බලපෑමක් මත මෙම උසස්වීම පමාවීදැයි පොලිසියේ ජ්‍යෙෂ්ඨ නිලධාරීහු ප්‍රශ්න කරති.
සක්‍රීය පොලිස් සේවයේ ජ්‍යෙෂ්ඨ නියෝජ්‍ය පොලිස්පතිවරුන් දෙනෙකුගේ අඩුවක් පවතී. මෙම මස අවසන් වනවිට එම පුරප්පාඩු ගණන තුනක් දක්වා ඉහළ යන බව පොලිස් ආරංචි කියයි.
ජ්‍යෙෂ්ඨ නියෝජ්‍ය පොලිස්පතිවරයකු වූ ලලිත් ජයසිංහ මහතා අනිවාර්ය නිවාඩු යවා සිටී.
ඊට අමතරව මේ වන විට තවත් පුරප්පාඩුවක් පවතින අතර එම පුරප්පාඩුව සඳහා ජ්‍යෙෂ්ඨත්වය අනුව පත් කළ යුතු නාලධාරියා පොලිස් මත්ද්‍රව්‍ය නාශක කාර්යංශයේ කාලයක් රාජකාරි කළේය.
එම කාලයේදී පොලිස් මත්ද්‍රව්‍ය නාශක කාර්යංශයේ නිලධාරීන් ද මත්ද්‍රව්‍ය ව්‍යාපාරය කළ බවට චෝදනා එල්ලවීම මත ඔහුට උසස්වීම ලබා දීම ප්‍රමාධ කර ඇත.
එම පුරප්පාඩුව සඳහා ඊළඟට අජිත් රෝහණ මහතා පත් කළ යුතුව තිබුණද ඔහු වැඩ බැලීමට පමණක් පත් කිරීම නිසා පොලිසිය අභ්‍යන්තරයේ විශාල කතා බහක් ඇතිවී තිබේ.
දැනට ජ්‍යෙෂ්ඨ නියෝජ්‍ය පොලිස්පති ධුර දරන තවත් කිහිප දෙනකුට පාසකු ප්‍රහරයේ වගකීම් පැහැර හැරීම සම්බන්ධයෙන් චෝදනාපත්‍ර බාර දීමටද නියමිතය.
