27.5 C
Colombo
Wednesday, June 26, 2024
spot_img

මීළඟ ඉරාන ජනපති කවුද?

- Advertisement -

ඉරානයේ ජනාධිපති ලෙස කටයුතු කළ ඊබ්‍රාහිම් රයිසි එරට කඳුකර ප්‍රදේශයකදී ඊයේ (19) සිදුවූ හෙලිකොප්ටර් අනතුරකින් මියගොස් ඇති බව අද (20) උදෑසන තහවුරු වුණා.

මෙම අනතුරෙන් ඉරාන ජනාධිපති ඊබ්‍රහිම් රයිසි සහ ඉරාන විදේශ අමාත්‍ය හොසේන් අමීර්අබ්දුල්රහීන් සහ තවත් රාජ්‍ය නිලධාරීන් කීප දෙනකු මිය ගියා.

මේ අතර, ඉරානයේ මීළඟ ජනපති සම්බන්ධයෙන් මේ වනවිට කතාබහක් ඇතිවී තිබෙනවා.

එරට ව්‍යස්ථාවට අනුව ධූර කාලය අතරතුර ජනාධිපතිවරයා මිය ගියේ නම් අන්තර්වාර ජනපතිවරයෙක් පත්කෙරෙන අතර ඒ අනුව , මේ වනවිට “පළමු නියෝජ්‍ය ජනාධිපති” ලෙස කටයුතු කරන පුද්ගලයා එම තනතුරට පත් වීමට නියමිතයි.

කෙසේවෙතත්, ඒ සඳහා ඉරානයේ උත්තරීතර නායකයා ලෙස සැලකෙන අයතොල්ලා අලි ඛමෙනීගේ අනුමැතිය අවශ්‍ය වෙනවා.

ඉරාන ආණ්ඩුක්‍රම ව්‍යස්ථාවේ 131 වැනි වගන්තියෙන් මේ බව තහවුරු කර තිබෙනවා.

ඉරානයේ පළමු නියෝජ්‍ය ජනාධිපති තනතුර මේ වනවිට දරනු ලබන්නේ 68 හැවිරිදි මොහම්මඩ් මොක්බර් විසින්.

ඒ අනුව එරට අන්තර්වාර ජනාධිපති ලෙස මොක්බර් පත්වෙනු ඇති බව ජාත්‍යන්තර මාධ්‍ය පවසනවා.

ඉරානයේ උත්තරීතර නායකයා ලෙස සැලකෙන අයතොල්ලා අලි ඛමෙනී ට ඉතා සමීප පුද්ගලයෙක් වශයෙන් ප්‍රකට මොක්බර් 1955 සැප්තැම්බර් 1 වන දින උපත ලබා තිබෙනවා.

ඊබ්‍රහම් රයිසි ජනාධිපති ධුරයට පත් වීමෙන් අනතුරුව 2021 වසරේදී මොක්බර් එරට පළමු නියෝජ්‍ය ජනාධිපති තනතුර භාර ගෙන තිබුණා.

අන්තර්වාර ජනපති ලෙස පත් වීමෙන් අනතුරුව මොහම්මඩ් මොක්බර් ඔහුද ඇතුළත් වන  ත්‍රි-පුද්ගල කවුන්සිලයක් මඟින් දින 50ක් තුළ නව ජනාධිපතිවරණයක් පැවැත්වීමට සැලසුම් කළ යුතු අතර එම කවුන්සිලයේ අනෙක් සාමාජිකයින් දෙදෙනා වන්නේ පාර්ලිමේන්තුවේ කථානායක සහ අධිකරණයේ ප්‍රධානියායි.

මෙවැනි පසුබිමක් තුළ ඉරානයේ පැවැත්වීමට නියමිතව තිබූ සියලු ක්‍රීඩා තරග සහ උත්සවය අත්හිටුවීමට තීරණය කර ඇති බව විදෙස් මාධ්‍ය වාර්තා කරනවා.

එමෙන්ම, ඉරාන ජනාධිපතිවරයාගේඑ මිය යාම හේතුවෙන් ලෙබනනයේ දින තුනක ශෝක කාලයක් ප්‍රකාශ කර ඇති බවද සඳහන්.


RECENT ARTICLES - SINHALA

විනිසුරුවරුන් පත් කිරීමේ සිද්ධියට අදාළව අතරමැදි පෙත්සම් දෙකක්

අගවිනිසුරුවරයා හැර ශ්‍රේෂ්ඨාධිකරණයේ සෙසු විනිසුරුවරුන් පත් කිරීම වළක්වාලමින් ජනාධිපතිවරයා වෙත නිකුත් කර තිබෙන අතුරු තහනම් නියෝගය වෙනස් කිරීම හෝ ඉවත් කිරීමේ නියෝගයක් නිකුත් කරන...

පාස්පෝර්ට් ගැන දැනුම්දීමක්

ජුලි 01 වැනිදා සිට කල් ඉකුත් වන විදෙස් ගමන් බලපත්‍ර වල කාලය වසරකින් දීර්ඝ කර තිබෙනවා. ආගමන විගමන පාලක ජනරාල් හර්ෂ ඉලුක්පිටිය මහතා සඳහන් කළේ,...

ගුරුවරු හෙට ලෙඩ නිවාඩු

වැටුප් විෂමතාවයට විසඳුම් ඉල්ලා ගුරු - විදුහල්පති සංගම් හෙට (26) අසනීප නිවාඩු වාර්තා කරන බව ලංකා ගුරු සංගමයේ ප්‍රධාන ලේකම් ජෝසප් ස්ටාර්ලින් මහතා පවසනවා. ඔහු...

POPULAR ARTICLES

හෙට පාසල් පැවැත්වීම ගැන විශේෂ නිවේදනයක්

පාසල් කටයුතු හෙට (24) දිනයේ සාමාන්‍ය පරිදි සිදු කෙරෙන බව අධ්‍යාපන අමාත්‍යංශය නිවේදනයක් නිකුත් කරමින් පවසනවා. සිය සේවාව සඳහා සේවා ව්‍යවස්ථාවක් සැකසීම ඇතුළු ඉල්ලීම් කිහිපයක්...

අඩු වයසින් උසස් පෙළ ලියන අයට දැනුම්දීමක්

2006 වසරේ ජනවාරි 31න් පසුව උපන් අයට අධ්‍යයන පොදු සහතික පත්‍ර උසස් පෙළ විභාගය සඳහා මාර්ගත ක්‍රමය ඔස්සේ අයදුම් කළ නොහැකි බව විභාග දෙපාර්තමේන්තුව...

නිරුවතින් පිහිනන්න ඕස්ට්‍රේලියානුවන් 3000ක් ඇවිත්

ශීත සෘතුව සනිටුහන් කිරීමට ඕස්ට්‍රේලියාවේ හෝබාර්ට් හි ඩර්වෙන්ට් නදියේ නිරුවත් පිහිනුම් ක්‍රීඩා ඉසව්වක් සංවිධානය කර තිබෙනවා. Dark Mofo නමින් හඳුන්වන මෙම ක්‍රීඩා උත්සවයට ක්‍රීඩකයින් 3,000ක්...