- භාග්‍යා පටන් ගත්ත සටනින් තමයි ආණ්ඩුවේ අවසානය ලියවෙන්නේ
- ඔබතුමා දැන් දරුවොන්ටත් බයයි, පුංචි දැරිවියන්ටත් බයයි. ඔබතුමා කාටද බය නැත්තේ?
- ඔක්සිජන් කන්නද අහපු අය ඉන්න පක්ෂෙනේ
පරිසර විනාශය සම්බන්ධව දරුවන් පිරිසක් එක් වී අඳින ලද චිත්‍රයක් ජනාධිපති කාර්‍යාලයේ පිරිසක් විසින් ඉවත් කරන ලද්දේ යැයි කියන සිද්ධියක් සම්බන්ධයෙන් හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර මහත්මිය සිය විරෝධතාවය පළ කර සිටිනවා.
ඒ, අද (19) පැවති මාධ්‍ය හමුවක් අමතමින්.
පරිසරයට සිදුවන හානිය පිළිබඳව දරුවන් පිරිසක් විසින් අඳින ලද චිත්‍රයක් විහාරමහාදේවී උද්‍යානය ඉදිරිපිට ප්‍රදර්ශනය කෙරෙමින් පැවතියදී ජනාධිපති කාර්‍යාලයේ සිට පැමිණි පිරිසක් එය ඉවත් කරන්නැයි දැනුම් දුන් බවයි ඇයි පවසන්නේ.
” ජනාධිපතිතුමණි දරුවන්ට ඇයි ඔච්චර බය? ඔබ තුමා පුටින් වගේ වීර නායකයෙක් කියලා තමයි පොහොට්ටුවේ කණ්ඩායම ඔබතුමාව ගෙනාවේ. ඔබතුමා දැන් දරුවොන්ටත් බයයි, පුංචි දැරිවියන්ටත් බයයි. ඔබතුමා කාටද බය නැත්තේ? ඔබතුමා ඔබතුමාව අල්ලෙ නටවන ව්‍යාපාරිකයොන්ටත් බයයි. ඒ බය නිසයි අපේ මේ හුස්මපොද නැතිකරන ව්‍යාපාරිකය ගැන කතා කරපු භාග්‍යා දැරිවියගේ පැත්ත වෙනුවට අපේ හුස්මපොද විනාශ කරන ව්‍යාපාරිකයගෙ පැත්ත ගත්තෙ. ඒ හුස්ම පොද ගැන කතා කරපු දරුවව දඩයම් කරන්න හදනවා.” යැයි ඒ මහත්මිය පවසයි
