නොරෝච්චෝල – කරඹ ප්‍රදේශයෙ සිය සැමියාගේ පහර කෑමට ලක්වී බිරිඳ අද (27) මරණයට පත්ව ඇති බව නොරෝච්චෝල පොලිසිය පවසනවා.
මෙලෙස මිය ගොස් ඇත්තේ, නොරෝච්චෝල – කරඹ ප්‍රදේශයෙ පදිංචිව සිටි අවුරුදු 13 හා 8 ක දරුවන් දෙදෙනෙකුගේ මවක් වන නිසංසලා පෙරේරා නැමති කාන්තාවක්.
මෙම දෙදරු මව රැදි සිටි නිවසට කඩා වැදි ඇති සැමියා බිරියට පොලු මුගුරු වලින් පහර දී තුවාල සිදු කර ඇති බවත්, ඇයව කිසිදු අයකුට රෝහල් ගත කිරිමට පවා අවස්ථාව ලබාදී නොමැති බවයි වාර්තා වන්නේ.
කෙසේ වෙතත්, 26 දින උදෑසන දැඩි අසාධ්‍ය තත්වයෙන් ලේ වහනය වී නිවසේ රැදි සිටියදී ඇගේ ඥාතියකු විසින් ත්‍රි රෝද රථයකින් පුත්තලම මූලික රෝහලට ප්‍රතිකාර සදහා ඇතුලත් කර රෝහලේ දැඩි සත්කාර ඒකකයෙ ප්‍රතිකාර ලබමින් සිටියදි අද (27) අලුයම මරණයට පත්ව ඇති බව පොලිසිය පවසනවා.
සැමියා පුත්තලම නගරයේ රැදී සිටියදී අත්අඩංගුවට ගෙන ඇති බවයි වාර්තා වන්නේ.
