හිටපු ජනාධිපති ගෝඨාභය රාජපක්ෂ ශ්රී ලංකාවට නැවතත් පැමිණෙනු ඇතැයි කැබිනට් ප්රකාශක අමාත්ය බන්දුල ගුණවර්ධන පවසනවා
ඒ අද (26) රවෘත්ති දෙපාර්තමේන්තුවේ දී පැවති අමාත්ය මණ්ඩල තීරණ දැනුම්දීමේ ප්රවෘත්ති සාකච්ඡාවට එක්වෙමින්.
හිටපු ජනාධිපති ගෝඨාභය රාජපක්ෂ සිංගප්පූරුවේ සැඟවී නොසිටින බවත් හිටපු ජනාධිපතිවරයා නිල වීසා බලපත්රයක් ලබාගෙන සිංගප්පූරුවට ගොස් ඇති බවත් ඔහු සඳහන් කරනවා
හිටපු ජනාධිපති ගෝඨාභය රාජපක්ෂ අත්අඩංගුවට ගැනීම සඳහා සිංගප්පූරුවේ නීතිපතිවරයා වෙත ගොනු කර ඇති පැමිණිල්ලක් සහ අගෝස්තු මාසයේදී ඔහු ශ්රී ලංකාවට පැමිණෙන බවට පළවන වාර්තා සම්බන්ධයෙන් කළ විමසීමකදී අමාත්යවරයා මේ බව සඳහන් කර සිටියා.
“හිටපු ජනාධිපතිතුමා සැඟවිලා ඉන්නවා කියන එක මම කිසිසේත්ම විශ්වාස කරන්නේ නෑ. මොකද එතුමා නිල වශයෙන් අවශ්ය වීසා ලබාගෙන තමා ඒ රටට ගිහින් තියෙන්නේ. අනිත් ඕනෑම කෙනෙකුට තියෙන අයිතිය යටතේ. එතුමා ආපසු පැමිණෙන බව තමා මම දැනගෙන සිටියේ. ඒ පිළිබඳ අදාළ වෙනත් තත්ත්වයක් තියෙනවා නම් අපේ රටේ හිටපු ජනාධිපතිවරයා ට උපද්රව්යක් එලෙසින් සිදුනොවන්නට අවශ්ය කටයුතු යොදයි. එහෙම දෙයක් දේශපාලන වශයෙන් මිසක් අපි දැනුවත් වෙලා නෑ.”
