ඊශ්රායල ප්රහාර වලට ක්ෂණික ප්රතිචාර නොදක්වන බව ඉරානය ප්රකාශ කර තිබෙනවා.
ඔවුන් සඳහන් කර තිබෙන්නේ, පසුගියදා ඊශ්රායලයට ප්රහාර එල්ල කළේ සිය රටේ යුද ශක්තිය ප්රදර්ශනය කිරීමේ අරමුණින් පමණක් බවටයි.
මේ අතර, ලොව රටවල් රැසක්ම නායකයින් ඉරානය සහ ඊශ්රායලයෙන් ඉල්ලා තිබුණේ මෙම අවස්ථාවේ ඉවසිලිවන්තව කටයුතු කරන ලෙසයි.
ඊශ්රායලය විසින් ඉරානයට මිසයිල ප්රහාරයක් එල්ල කර ඇති බවට ඊයේ වාර්තා වූ අතර, පසුව ඉරානයේ ජාතික සයිබර් අවකාශ ආරක්ෂණ ඒකකය සඳහන් කළේ, ඉස්ෆහාන් හෝ සිය රටේ කිසිදු ප්රදේශයකට ගුවන් ප්රහාරයක් එල්ල වී නොමැති බවයි.
කෙසේ වෙතත් ඊශ්රාලයට අයත් ඩ්රෝන යානා 3 ක් සිය හමුදාව විසින් බිම හෙළා තිබු බව ඉරානය සඳහන් කළා.
පසුගිය 01 වනදා සිරියාවේ පිහිටි සිය කොන්සල් කාර්යාලයට එල්ල වූ ඊශ්රායල ගුවන් ප්රහාරයෙන් පුද්ගලයන් 13 දෙනෙකු මියයාමට පළිගැනීමක් ලෙස ඉරානය විසින් ඊශ්රායලයට ඩ්රෝන ප්රහාර සහ මිසයිල 300 කට වැඩි ප්රමාණයක් පසුගියදා එල්ල කරනු ලැබුවා.