පැවති ආණ්ඩු රැසකින් ක්‍රියාත්මක කල කිරි ගවයින් ආනයන ව්‍යාපෘතිය වත්මන් රජයද නැවත වටයකින් ක්‍රියාත්මක කිරීමට සූදානම් වනවා.
ඒ අනුව කෘෂිකර්ම අමාත්‍ය මහින්දානන්ද අලුත්ගමගේ මහතා අද (10) පාර්ලිමේන්තුවේදී පැවසුවේ කිරිගවයින් 5000 ක් මෙරටට ආනයනය කිරීමේ වැඩපිළිවෙලට සියල්ල සූදානම් බවයි.
කිරිගවයින් ආනයනය කිරීම තුළින් මෙරට දේශීය කිරි අවශ්‍යතාවය සපුරා විදෙස් රටවලට මුදල් ගලායෑම අවම කිරීම හා දේශීය කිරි ගොවියා ශක්තිමත් කිරීම වැනි ආකර්ශනීය වදන් යොදාගනිමින් පැවති ආණ්ඩු මෙම කිරිගව ව්‍යාපෘති වරින් වර ක්‍රියාත්මක කළා.
කෙසේ වෙතත් එලෙස රැගෙන ආ කිරි ගවයින් පශු සම්පත් මණ්ඩලය සහතික කල කිරි ලීටර් ප්‍රමාණය ලබා නොදුන්නා පමණක් නොව අකාලයේ මිය ගියේ කිරි ගොවියන් පාරට ඇඳ දමමින්.
පැවති රජයන් හී ග්‍රාමීය ආර්ථික කටයුතු පිළිබදව අමාත්‍යවරුන් වූ සී.බී. රත්නායක, බැසිල් රාජපක්ෂ, ආරුමුගම් තොණ්ඩමන් හා පී. හැරිසන් යන අමාත්‍යවරුන්ගේ පාලන සමයන්හීදී මෙම කිරිගවයින් ආනයනය කිරීමේ ව්‍යාපෘති ක්‍රියාත්මක වුණා.
එව ව්‍යාපෘති අවසන් වූයේ නැවත වටයකින් ජනතා මුදල් කාබාසිනියා කරන ජනාධිපති කොමිසමක් දක්වා අදාල ආනයන ව්‍යාපෘතිය දුරදිග යෑමෙන්.
කුමන කොමිසම් පත් කලද කිසි විටෙකත් අදාල ව්‍යාපෘති ක්‍රියාත්මක කළ ඇමතිවරයා හෝ නිලධාරීන් හට කිසිදු ආකාරයකින් නීතිය ක්‍රියාත්මක නොවීමද විශේෂත්වයක්.
මෙම කිරිගව ජාවාරම පිළිබදව අප විවිධ අවස්ථාවන්හීදී තොරතුරු වාර්තා කළා.
අදාල ප්‍රවෘත්ති දර්ශන පහතින්,
