ඉදිරි සෑම මැතිවරණයකදීම ‘උත්තර ලංකා සභාගය’ ලෙස අනිවාර්යයෙන්ම වෙනම තරඟ කරන බව එහි සභාපති, ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ පවසනවා.
ඒ, බොරැල්ලේ පිහිටි කොමියුනිස්ට් පක්‍ෂ මූලස්ථානයේ දී ඊයේ (9) පැවැත්වූ ‘උත්තර සභාගයේ’ පළමු මාධ්‍ය හමුව අමතමින්.
මෙම සභාගයට ශ්‍රී ලංකා පොදුජන පෙරමුණ සම්බන්ධ කරගැනීමේ කිසිඳු අදහසක් නොමැති නමුත් එම පක්ෂයේ සිටින සුජාත භාවයක් ඇති, අපත්‍ය කෑමක් ගතහොත් ඔක්කාරයට එන ආකාරයේ, පිළිගත හැකි පිරිස් පැමිණියහොත් සාදරයෙන් පිළිගන්නා බව ද සභාපතිවරයා සඳහන් කරනවා.
එසේ වුවත් පැමිණෙන ඕනෑම අයෙක් උත්තර ලංකා සභාගයේ ප්‍රතිපත්ති ප්‍රකාශයනයට එකඟ විය යුතු බවයි හෙතෙම පවසන්නේ.
මෙම සභාගය සමඟ ශ්‍රී ලංකා නිදහස් පක්‍ෂය එක්වන්නේ නැද්දැයි මාධ්‍යවේදියකු මෙහිදී නැගූ පැනයකට පිළිතුරු දුන් විමල් වීරවංශ මහතා පැවසුවේ එයඑහි නායකයන්ගෙන් ඇසිය යුතු බවයි.
මේ වෙලාවේ රට ඉබාගාතේ ගෙනයාම වරදක් බව කී මන්ත්‍රීවරයා අර්බුද සමනය වූ වහා මහ මැතිවරණයකට ගොස් ජනතාව කැමති නායකත්වයත් තෝරාගැනීමට අවස්ථාව දිය යුතු බව ද ප්‍රකාශ කළා.
