ආර්ථික අපහසුතා හේතුවෙන් බාල වයස්කාර සිසුන් තිදෙනෙකු රැකියා සොයා නිවෙස්වලින් පළායාමේ පුවතක් වෙන්නප්පුව ප්‍රදේශයෙන් වාර්තා වනවා.
මොවුන් අවුරුදු 14 සහ 15 යන වයස්වල පසුවනවා.
ආර්ථීක අපහසුතා නිසා රැකියාවක් සොයා යෑමට අවශ්‍ය බව එක් සිසුවකු නිවෙසින් පලා යෑමට දින කිහිපයකට පෙර ඥාතියෙකුට පවසා ඇති බවටයි වාර්තා වන්නේ.
අනෙක් සිසුන් දෙදෙනා නිවෙස්වලින් පිටව ගොස් ඇත්තේ සංගීත සංදර්ශනයක් නැරඹීමට යන බව පවසමින්.
ඔවුන්ගේ මවුපියන් කම්කරුවන් ලෙස සේවයේ නිරතවන්නන්.
බාල වයස්කාර සිසුන් රැකියා සොයාගෙන යන්නට ඇති බවට පොලීසිය සැක කරනවා.
මෙම පාසල් සිසුන් තිදෙනා ඉකුත් 14 වැනිදා නිවෙස්වලින් පලාගොස් ඇති අතර, ඔවුන් පිළිබද මෙතෙක් කිසිදු තොරතුරක් ලැබී නොමැති බවටයි පොලීසිය සදහන් කළේ.
