උග්ර ආහාර අනාරක්ෂිතතාවකට පත්ව සිටින ඇෆ්ගනිස්තානු වැසියන්ගේ ආහාර අවශ්යතා සපුරා ලීම සඳහා ලෝක ආහාර වැඩසටහන ඇමෙරිකානු ඩොලර් බිලියන 1 යි දශම 1 ක් වෙනුවෙන් ලෝක ප්රජාව වෙත ඉල්ලීමක් ඉදිරිපත් කර තිබේ.
එම වැඩසටහන පවසන්නේ ආහාර ආනරක්ෂිතභාවයට මුහුණ දී සිටින ඇෆ්ගනිස්තායේ මිලියන 15 ක ජනතාවකගේ ඉදිරි මාස 06 ක ආහාර අවශ්යතා සපුරාලීම සිය අරමුණ බවයි.
එක්සත් ජාතීන්ගේ මානුෂීය කටයුතු සම්බන්ධීකරණ කාර්යාලයේ වාර්තාවන්ට අනුව ඇෆ්ගනිස්තානය තුළ මිලියන 19 ක පිරිසක් ආහාර අනාරක්ෂිතභාවයට පත්ව සිටින අතර තවත් මිලියන 25 ක පිරිසක් දර්ද්රතාවයෙන් පීඩා විදී.
ස්වභාවික ආපදා හේතුවෙන් රටතුළ අවතැන් වී සිටින පිරිස මිලියන 5 යි දශම 8 ක්
එලෙස සිය රට තුළ දැඩි මානුෂීය ගැටළුවලට මුහුණ පා සිටින ඇෆ්ගනිස්තාන වැසියන්ට එළඹෙන සීත ඍතුවේදී සිය ජීවිත ආරක්ෂා කර ගැනීම සඳහා ආහාර ඇඳුම් පැළඳුම් හා වාසස්ථාන වැනි මූලික අවශ්යතා හෝ ලබාදිය යුතු බව එක්සත් ජාතීන්ගේ මානුෂීය කටයුතු සම්බන්ධීකරණ කාර්යාලය පෙන්වා දෙයි.
එහෙත් රට තුළ පවතින ආර්ථීක දේශපාලනික අර්බුදය ආධාර වැඩසටහන් සඳහා ද බාධා එල්ල කර ඇතැයි ජාත්යන්තර සංවිධාන පෙන්වා දී ඇත.
තලෙයිබාන් පාලනය හමුවේ ඇෆ්ගනිස්තානය මුහුණ පා සිටින ආර්ථික අර්බුදය සම්බන්ධයෙන් ලෝක ආහාර වැඩසටහන ද දැඩි අවධානයක් යොමු කර ඇතැයි විදෙස් මාධ්ය පෙන්වා දෙයි.