රුසියානු ජනාධිපති ව්ලැදිමීර් පුටින් සමග සාකච්ඡා කිරීමට චීන ජනාධිපති ෂී ජින්පිං ලබන සතියේ මොස්කව් බලා පිටත්ව යාමට නියමිත බව විදෙස් මාධ්‍ය වාර්තා කරනවා.
චීන විදේශ අමාත්‍යංශය සඳහන් කර ඇත්තේ, ව්ලැදිමීර් පුටින්ගේ ආරාධනයකට අනුව ෂී ජින්පිං මාර්තු 20 සිට 22 දක්වා රුසියාවේ රැඳී සිටිනු ඇති බව සඳහන්.
බටහිර රටවල් ඇල්මැරුණු පිළිවෙතක් අනුගමය කර ඇති පසුබිමක රුසියාවේ මිත්‍ර රාජ්‍යයක් වන චීනය යුක්‍රේනයේ යුද්ධය අවසන් කිරීමට යෝජනා ඉදිරිපත් කර ඇති අවස්ථාවක මෙම සංචාරය සිදුවන බව අදාළ වාර්තා පෙන්වා දෙනවා.
විදෙස් මාධ්‍ය වාර්තා කළේ, “පුළුල් හවුල්කාරිත්වය සහ උපායමාර්ගික සහයෝගිතාව සම්බන්ධයෙන්” එහිදී සාකච්ඡා කෙරෙනු ඇතැයි රුසියාව පැවසූ බව යි.
බටහිර රටවල් මොස්කව් වෙත ආයුධ සැපයීමට එරෙහිව චීනය වෙත අනතුරු අඟවා ඇතැයි විදෙස් මාධ්‍ය වාර්තා කර තිබෙනවා.
කෙසේ වෙතත් යුක්‍රේන ජනාධිපති වොලොදිමීර් සෙලෙන්ස්කි පෙබරවාරි මාසයේදී තමාට ෂී ජින්පිං හමුවීමට අවශ්‍ය බවත් චීනය රුසියාවට ආයුධ ලබා නොදෙන බව මට විශ්වාස කිරීමට අවශ්‍යයි යනුවෙන් සඳහන් කර තිබෙන බව සදහන්.
