චීනය ආගමික කටයුතු පිළිබඳ රාජ්‍ය පාලනය දැඩි කර ඇති අතර කිතුනුවන් 60 දෙනෙකුට එක්සත් ජනපදයේ සරණාගතභාවය ලබා ගැනීමට බල කර ඇති බව වාර්තා වේ.
එම ක්‍රිස්තියානි කණ්ඩායමට 2019 අග සිට 2020 මුල් භාගය දක්වා චීනයෙන් පලා ගොස් දකුණු කොරියාවේ ජෙජු දූපතේ පදිංචි වූ වැඩිහිටියන් 29 දෙනෙකු සහ ළමුන් 31 දෙනෙකු ඇතුළත් වන බව පැවසේ.
මෙම සාමාජිකයින් Shenzhen Mayflower Church ලෙසද හඳුන්වන Shenzhen Holy Reformed Church වෙත අයත් වන බව මාධ්‍ය වාර්තා කරයි.
මෙම කණ්ඩායම බැංකොක්හි එක්සත් ජාතීන්ගේ සරණාගත ඒජන්සිය වන UNHCR හි සරණාගතභාවය පතා තිබේ.
දකුණු කොරියාවේ සරණාගත තත්ත්වය ලබා ගැනීමට අපොහොසත් වීමෙන් පසු ඔවුන් පසුගියදා සංචාරක වීසා මත තායිලන්තයට ගොස් ඇත.
පසුව, දකුණු කොරියාවේ අධිකරණ කිහිපයක් ඔවුන්ගේ සරණාගත අයදුම්පත් ප්‍රතික්ෂේප කිරීමෙන් පසු ඔවුන් එක්සත් ජනපදයේ පදිංචි වීමට තීරණය කළ බවයි වාර්තා වේ.
මීට වසර තුනකට පෙර චීන රජය ධවල පත්‍රිකාවක් නිකුත් කළ අතර එහි සඳහන් වූයේ චීනයේ මිලියන 200 ක් පමණ ආගමික අදහන්නන් සිටින බවයි.
ඉන් බහුතරයක් ටිබෙටයේ බෞද්ධයන් වන අතර ඊට අමතරව මුස්ලිම්වරුන් මිලියන 20ක්, රෙපරමාදු ක්‍රිස්තියානීන් මිලියන 38ක් සහ කතෝලික ක්‍රිස්තියානීන් මිලියන 6ක් ද ඇතුළත් විය.
2021 නොවැම්බරයේදී, ආගමික නිදහස උල්ලංඝනය කිරීම සම්බන්ධයෙන් එක්සත් ජනපදය, චීනය ‘විශේෂයෙන් සැලකිලිමත් වන රටවල්’ යටතේ ලැයිස්තුගත කරනු ලැබීය..
