නීතිඥවරුන් ගෙන්වා සිරස නාලිකාව සම්බන්දයෙන් සාකච්ඡාවක් සිදුකල බව ජනමාධ්ය අමාත්ය කෙහෙළිය රඹුක්වැල්ල මහතා පවසනවා.
මහනුවරදී පැවති වැඩසටහනකින් අනතුරුව ඊයේ (10) මාධ්ය වෙත අදහස් දක්වමින් ඒ මහතා පවසා සිටියේ මාධ්ය නිදහස හා නීතිය පටලවා නොගත යුතු බවත් වල්බූරු නිදහසක් ලෝකයේ කිසිදු රටක නොමැති බවත්ය.
අදාළ නාලිකාව රාමුවෙන් පිට කටයුතු කිරීම පිළිබදව මෙරට සිටින ප්රභල නීතිඥයින් කිහිප දෙනෙකු ගෙන්වා සාකච්ඡා කල බවත් එම නාලිකාව සම්බන්ධයෙන් කැලෑ නීතිය නොව සාධාරණ නීතිය ක්රියාත්මක කරන බවත් අමාත්යවරයා පවසා සිටියා.
විපක්ෂ නායකවරයා මේ සම්බන්ධයෙන් පාර්ලිමේන්තුවේ ප්රශ්න කරමින් සිදුකළේ ප්රචාරණාත්මක කාර්යක් බව සදහන් කරන ජනමාධ්ය අමාත්යවරයා පෙන්වා දෙන්නේ එවැනි ගැටළුවක් ඇතිනම් එය තමන්ද සිටින පාර්ලිමේන්තුවක ඇසිය යුතුව තිබූ බවයි.
මාධ්ය නිදහස රටේ මූලික නීතියට යටත් බවත්, මාධ්ය නිදහස කියා මුදලාලිලාට අවශ්ය ආකාරයෙන් තක්කඩි වැඩ කරන්නේ නම් නීතියේ රාමුවට තුළ කටයුතු කරන බවත් කෙහෙළිය රඹුක්වැල්ල අමාත්යවරයා පවසනවා.
ඊට අදාළ දර්ශන පහතින්,