අපරාධ පරීක්ෂණ දෙපාර්තුමේන්තුවේ හිටපු අධ්යක්ෂ ජ්යෙෂ්ඨ පොලිස් අධිකාරී ශානී අබේසේකර මහතාගේ ආරක්ෂාව ගැන සලකා ඔහුව කොළඹ අයි.ඩී.එච් රෝහල වැනි රෝහලකට ඇතුළත් කිරීමට නිර්දේශ කරන ලෙසට ඉල්ලමින් ශ්රී ලංකා තරුණ ජනමාධ්යවේදීන්ගේ සංගමය විසින් මානව හිමිකම් කොමිසන් සභාව වෙත පැමිණිල්ලක් ඉදිරිපත් කර ඇත.
නොවැම්බර් 25 වන දින අදාල පැමිණිල්ල ඉදිරිපත් කර ඇති අතර ශ්රී ලංකා තරුණ ජනමාධ්යවේදීන්ගේ සංගමය වැඩි දුරටත් පවසා ඇත්තේ ශානි අබේසේකර මහතාගේ ජීවිතයට ඇති තර්ජන සම්බන්ධයෙන් ඔහුගේ බිරිඳ මීට පෙර අගවිනිසුරුවරයා ඇතුළු පාර්ශ්ව කිහිපකට ලිඛිතව දැනුම් දී තිබූ අතර ඒ සම්බන්ධයෙන් ද සොයා බලා කඩිනම් මැදිහත්වීමක් කරන ලෙසය.
අදාල ලිපිය පහතින්
2020/11/25
සභාපති,
ශ්රී ලංකා මානව හිමිකම් කොමිෂන් සභාව.
සභාපතිතුමනි,
ශානි අබේසේකර මහතාගේ ආරක්ෂාව පිළිබඳවයි අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර මහතාට කොරෝනා ආසාදිත වී ඇති බවත්, ඔහු මේ වන විට මහර බන්ධනාගාරයේ සිට වැලිකඩ බන්ධනාගාරය වෙත ගෙනැවිත් ඇති බවත් කොවිඩ් පැතිරීම වැලැක්වීමේ ජාතික මධ්යස්ථානය තහවුරු කර තිබේ.
මහර බන්ධනාගාරයේ රඳවා සිටි ඒ මහතාට කොවිඩ් ආසාදනය වී ඇති බව හෝ වෙනත් ස්ථානයකට මාරු කළ බව හෝ මේ වන තෙක් ඔහුගේ බිරිඳට නිල වශයෙන් දැනුම් දී නැත. මේ සම්බන්ධයෙන් කඩිනම් මැදිහත්වීමක් කරන ලෙසත්, ඔහුගේ ආරක්ෂාව ගැන සලකා කොළඹ අයි.ඩී.එච් රෝහල වැනි රෝහලකට ඇතුළත් කිරීමට නිර්දේශ කරන ලෙසත් ඉල්ලා සිටිමු.
ශානි අබේසේකර මහතාගේ ජීවිතයට ඇති තර්ජන සම්බන්ධයෙන් ඔහුගේ බිරිඳ මීට පෙර අගවිනිසුරුවරයා ඇතුළු පාර්ශ්ව කිහිපකට ලිඛිතව දැනුම් දී තිබූ අතර ඒ සම්බන්ධයෙන් ද සොයා බලා කඩිනම් මැදිහත්වීමක් කරන ලෙස ද ඉල්ලා සිටිමු.
ශ්රී ලංකා තරුණ ජනමාධ්යවේදීන්ගේ සංගමය
