ඉන්දියාවේ කේරළ ප්‍රන්තයේ කෝචි නගරයේ ක්‍රිස්තියානි ආගමික සිද්ධස්ථානයක බෝම්බ පිපිරීමක් සිදුව තිබෙන බවට වාර්තා වනවා.
අද (29) උදෑසන සිදු වූ එම පිපිරීමෙන් එක් අයෙකු මිය ගොස් 40 දෙනෙකු පමණ තුවාල ලබා ඇති බව ඉන්දීය මාධ්‍යය වාර්තා කරනවා
එම ස්ථානයේ පිපිරීම් 03ක් පමණ සිදු ව ඇති බවට එරට ආරක්ෂක අංශ පවසා තිබෙනවා.
මෙම පිපිරීම් සිදු වන විට දේවස්ථානයේ බැතිමතුන් 2,000ක පමණ පිරිසක් යාඥා කරමින් සිටි බව සඳහන්.
කෑම පෙට්ටියක සඟවාගෙන මෙම ස්ථානයට බෝම්බ රැගෙනවිත් තිබෙන බවත් එය සැලසුම් සහගත ව සිදු කර ඇති ප්‍රහාරයක් බවට තොරතුරු අනාවරණය වී ඇති බව ඉන්දීය මාධ්‍යය වැඩිදුරටත් සඳහන් කරනවා.
ඉන්දීය මාධ්‍ය පවසන්නේ මේ වනවිට එරට ආරක්ෂක අංශ විසින් එක් සැකකරුවෙකු අත්අඩංගුවට ගෙන ඇති නමුත් තවත් පුද්ගලයෙකු තමන් එම ප්‍රහාරය සිදු කළ බව පවසමින් පොලීසියට භාර වී ඇති බවයි.
