රජිව් ගාන්ධි ඝාතන නඩුවේ වැරදිකරුවන් තිදෙනෙකු ශ්‍රී ලංකාවට පිටුවහල් කිරීමට තමිල්නාඩු රජය තීරණය කර තිබෙනවා.
රජිව් ගාන්ධි ඝාතන නඩුවේ වරදකරුවන් වූ ශ්‍රීහරන් හෙවත් මුරුගන්, රොබට් පායාස් සහ ජයකුමාර් යන තිදෙනාට ශ්‍රී ලංකා නියෝජ්‍ය මහ කොමසාරිස් කාර්යාලය විසින් තාවකාලික ගමන් ලියකියවිලි නිකුත් කර ඇති බව මදුරාසි මහාධිකරණයට පසුගියදා දැනුම් දී තිබුණා.
ඔවුන් සතියක් ඇතුළත හෝ විදේශිකයන් ලියාපදිංචි කිරීමේ ප්‍රාදේශීය කාර්යාලය විසින් පිටුවහල් කිරීමේ නියෝග නිකුත් කළ පසු ශ්‍රී ලංකාවට පිටුවහල් කිරීමට නියමිත බව අතිරේක රජයේ අභිචෝදක ආර්.මුනියප්පරාජ් විසින් ආර්.සුරේෂ්කුමාර් සහ කේ.කුමාරේෂ් බාබු යන විනිසුරු මඩුල්ලට දැනුම් දී තිබෙනවා.
තමාට ඡායාරූප හැඳුනුම්පතක් නිකුත් කරන ලෙස ට්‍රිචිහි විදේශිකයන්ගේ කඳවුරේ බලධාරීන්ට උපදෙස් දෙන ලෙස මුරුගන් කළ ඉල්ලීමකට ප්‍රතිචාර වශයෙන් මෙම දැන්වීම සිදු කර තිබෙනවා.
“මෙම අදියරේදී, මෙම රිට් පෙත්සමෙන් ඉල්ලා සිටින පරිදි වෙනම හැඳුනුම්පතක් නිකුත් කිරීම පිළිබඳ ප්‍රශ්නයක් මතු නොවේ. පෙත්සම්කරුට හැඳුනුම්පතක් නිකුත් කිරීමට බලධාරීන්ට උපදෙස් දෙන ලෙස මෙහි කරන ඉල්ලීම අනුව මෙම රිට් පෙත්සමේ නියෝගයක් සම්මත කිරීම අවශ්‍ය නොවන බව අපගේ හැඟීමයි.” යනුවෙන් විනිසුරු මඩුල්ල සඳහන් කර තිබෙනවා.
ශ්‍රී ලංකා මහ කොමසාරිස් කාර්යාලය විසින් පෙත්සම්කරුට නිකුත් කර ඇති සංචාරක ලියවිල්ල වලංගු ලියවිල්ලක් බවත්, එය මත පදනම්ව ඔහුට චෙන්නායි හි විදේශිකයන් ලියාපදිංචි කිරීමේ ප්‍රාදේශීය කාර්යාලය වෙතින් පිටුවහල් කිරීමේ නියෝගය ලබා ගත හැකි බවත්, ඉන් පසු ඔහුගේ නිවසට ආපසු යෑමට හැකි බවත් මහාධිකරණ විනිසුරු මඩුල්ල මුරුගන්ගේ පෙත්සම ඉවත දමමින් ප්‍රකාශ කර තිබෙනවා.
2022 නොවැම්බර් 11 වැනි දින ශ්‍රේෂ්ඨාධිකරණය ඔවුන්ව නිදහස් කළදා සිට, මෙම සිරකරුවන් සිව්දෙනා ලාංකික පුරවැසියන් බැවින් තිරුචිප්‍රිසන් පරිශ්‍රයේ විශේෂ මණ්ඩපයකට ගෙන යනු ලැබුවා.
ඔහු මේ වන විටත් ඉන්දීය පුරවැසිභාවය ලබා සිටින ඔහුගේ බිරිඳ නාලිනී සමඟ එක්සත් රාජධානියේ වීසා බලපත්‍රයක් සඳහා ඉල්ලුම් කර තිබෙනවා.
ඇය දැනටමත් වීසා සම්මුඛ පරීක්ෂණයට සහභාගී වී ඇති අතර එක්සත් රාජධානියේ තීරණයක් බලාපොරොත්තුවෙන් සිටින බවයි සඳහන් වන්නේ.
මුරුගන්ට සංචාරක ලිපි ලේඛන නොමැතිකම නිසා සම්මුඛ පරීක්ෂණයට සහභාගී වීමට නොහැකි වී තිබෙන බවත් සඳහන් වනවා.
