2023 එක්දින ක්රිකට් ලෝක කුසලානයේ අවසන් මහා තරගයේ ජය ලබා ගැනීමට ඔස්ට්රේලියාව සමත් වුණා.
ඒ කඩුළු 06කින් අපරාජිතව සිටි ඉන්දියාව පරාජයට පත් කරමින්.
සත්කාරක ඉන්දියාව සහ ඔස්ට්රේලියාව අතර එක්දින ක්රිකට් ලෝක කුසලානයේ අවසන් මහා තරගය අහමදාබාද් හි නරේන්ද්ර මෝඩි ක්රීඩාංගණයේදී අද (19) පස්වරු 02.00ට ආරම්භ වුණා.
අවසන් මහා තරගයේ කාසියේ වාසිය දිනාගත් ඔස්ට්රේලියානු කණ්ඩායම පළමුවෙන් පන්දු රැකීමට තීරණය කළා
ඒ අනුව පන්දුවට පහරදීමට පිටියට පිවිසි ඉන්දියානු කණ්ඩායම ඔස්ට්රේලියානු පන්දු රකින්නන්ගේ දැඩි පීඩනය හමුවේ පන්දුවාර 50 අවසානයේ කඩුළු සියල්ල දැවී ලකුණු 240ක් රැස් කිරීමට සමත් වුණා.
ලකුණු 241ක ඉඅලක්කයක් සහිතව පිළිතුරු ඉනිම හඹා යාමට පිටියට පිවිසි ඔස්ට්රේලියානු කණ්ඩායම පන්දුවාර 43ක් අවසානයේ කඩුළු 04ක් දැවී ලකුණු 241ක් ලබා ගනිමින් මෙවර ලෝක ශූරයින් ලෙස කිරුළු දැරීමට සමත් වුණා.
පන්දුවට පහරදීමේදී අගනා ඉනිමක් ක්රීඩාකළ Travis Head පන්දු 120කදී ලකුණු 137ක ලබා ගනිමින් ඔස්ට්රේලියාව ජයග්රහණය කරා ගෙන ගිය අතර David Warner පන්දු 03ට ලකුණු 07ක්ද, Mitchell Marsh පන්දු 15කදී ලකුණු 15ක්ද, ලබා ගත්තා.
පන්දු යැවීමේදී ඉන්දියානු කණ්ඩායමේ Jasprit Bumrah කඩුළු 02ක්ද, Mohammed Shami එක කඩුල්ලක්ද දවාගත්තා.
මීට පෙර 1987,1999,2003,2007 සහ 2015 වර්ෂවලදී ඔස්ට්රේලියාව ලෝක කුසලාන හිමිකරගත් ඔස්ට්රේලියාව මෙවර සිය 6වන ලෝක කුසලානයක් ජයග්රහණය කරනු ලැබුවා.