මුලතිව් ප්රදේශයේ පදිංචි අකිලා තිරුනායකී නම් 71 හැවිරිදි කාන්තාවක් පිලිපීනයේ පැවති මාස්ටර් මලල ක්රීඩා තරඟාවලියේදී රන් පදක්කම් දෙකක් සහ ලෝකඩ පදක්කමක් දිනා ගෙන තිබෙනවා.
ඒ අනුව, ඇය මෙම තරඟාවලියේ ශ්රී ලංකාව නියෝජනය කරමින් සහභාගි වූ මීටර් 1500 සහ 5000 යන ඉසව්වලින් රන් පදක්කම් දෙකක් සහ මීටර් 800 ධාවන ඉසව්වෙන් ලෝකඩ පදක්කමක් දිනා ගැනීමට සමත් වුණා.
එමෙන්ම, මෙම තරඟාවලියේ මීටර 400 ධාවන ඉසව්වේ සිව්වැනි ස්ථානයද ඇය හිමි කරගෙන තිබෙනවා.
මුලතිව් මුල්ලියාවලෙයි ගම්මානයේ පදිංචි අකිලා තිරුනායකී විශ්රාමික බන්ධනාගාර නිලධාරිනියක් බවයි වාර්තා වෙන්නේ.
නොවැම්බර් 8 සිට 12 දක්වා පිලිපීනයේ පැවති 22 වැනි ආසියානු මාස්ටර්ස් මලල ක්රීඩා ශූරතාවලියේදී ශ්රී ලංකා ක්රීඩක ක්රීඩිකාවන් රැසකට ජයග්රහණ හිමිව තිබෙනවා.
එහිදී, රන් පදක්කම් 25ක්, රිදී පදක්කම් 34ක් සහ ලෝකඩ පදක්කම් 25ක් සමඟින් ශ්රී ලංකා කණ්ඩායම සමස්ත ශ්රේණිගත කිරීම්හි 8 වැනි ස්ථානයට පත්ව ඇති බවයි වාර්තා වෙන්නේ.
35-39 වයස් කාණ්ඩයේ කැපී පෙනෙන තරඟකරුවෙකු වන දසුන් සිල්වා නව ආසියානු තරඟ වාර්තාවක් පිහිටුවමින් ශ්රී ලංකාවේ ජයග්රහණ තවදුරටත් ඉහළට ඔසවා තැබුවා.