කෙටි දුර දුම්රිය ගමන්වාර 30ක් අද (16) සිට අවලංගු කිරීමට සිදුවන බව දුම්රිය දෙපාර්තමේන්තුව පවසනවා.
මේ අනුව ප්රධාන මාර්ගයේ දුම්රිය 18ක්, කැළණිවැලි සහ පුත්තලම මාර්ගයේ දුම්රිය 02ක් බැඟින් අවලංගු වනු ඇති.
ඊට අමතරව මුහුදු බඩ මාර්ගයේ ද අද (16) සිට දුම්රිය ගමන්වාර 08ක් අවලංගු කිරීමට පියවර ගෙන තිබෙනවා.
පසුගිය බ්රහස්පතින්දා සිට දෛනිකව සේවක හිඟය හේතුවෙන් දුම්රිය ගමන්වාර 42 බැඟින් අවලංගු කිරීමට දුම්රිය දෙපාර්තමේන්තුව මිට පෙර තීරණය කළා.
පසුව එය අත්හිටුවනු ලැබුවේ එම තීරණය යළි සමාලෝචනය කළ යුතු පවසමින්.
පසුගිය දෙසැම්බර් 31 වනදා දුම්රිය දෙපාර්තමේන්තුවේ සේවකයන් 500කට වැඩි පිරිසක් එකවර විශ්රාම ගැන්වීම හේතුවෙන් දෙපාර්තමේන්තුව තුළ දැඩි සේවක හිඟයක් ඇතිවුණා.