නයිජීරියාවේ පාසලකින් පැහැරගත් පාසල් ළමුන් 300කට ආසන්න පිරිසක් නිදහස් කර ඇති බව විදෙස් මාධ්‍ය වාර්තා කරනවා.
එරට කඩුනා ප්‍රාන්තයේ ආණ්ඩුකාරවරයා සඳහන් කර ඇත්තේ දරුවන් පිරිස නිරුපද්‍රිතව නැවත පැමිණ ඇති බවයි.
දරුවන් බේරාගැනීම සඳහා අඛණ්ඩව වෙහෙස වී කටයුතු සිදුකළ එරට ජනාධිපති බෝලා ටිනුබු වෙත ද ආණ්ඩුකාරවරයා X පණිවුඩයක් නිකුත් කරමින් ස්තූතිය පුදකර තිබෙනවා.
මාර්තු මාසයේ ආරම්භයේදී වයඹදිග නයිජීරියාවේ පාසලකදී මෙම සිසුන් පිරිස යතුරුපැදිවලින් පැමිණි අවිගත් කණ්ඩායමක් විසින් පැහැරගෙන ගොස් තිබුණා.
කප්පම් ලබාගැනීමේ අරමුණ සහිතව පසුගිය කාලසීමාවේදී මෙලෙස පාසල් සිසුන් පැහැරගෙනයාමේ සිදුවීම් කිහිපයක් නයිජීරියාවෙන් වාර්තා වුණා.
