2023 සහ 2024 යන වර්ෂවල මහ කන්නයේ දී මෙරටට බලපෑ අධික වර්ෂාව හා ගංවතුර හේතුවෙන් එළවළු ඇතුළු අනිකුත් බෝග වගා කළ බිම්වලින් හෙක්ටෙයාර් 68,131ක් විනාශයට පත්ව ඇති බව කෘෂිකර්ම දෙපාර්තමේන්තුව පවසනවා.
එම දෙපාර්තමේන්තුව සඳහන් කළේ ඒ අනුව මෙම වගා හානි සිදුවූ බිම් ප්රමාණය සමස්ත වගා කළ බිම්වලින් සියයට 71ක් බවයි.
මීට අමතරව එම වර්ෂයේ මහ කන්නයේ දී වී වගා කළ කුඹුරු ඉඩම් හෙක්ටෙයාර් 100,000ක් ද අධික වර්ෂාව හා ගංවතුර හේතුවෙන් විනාශයට පත්ව තිබෙනවා.
කෙසේ වෙතත් පසුගිය වසරේ මාස හතරහමාරක් පමණ අඛණ්ඩව ලැබුණු වර්ෂාවත් සමග එළවළු වගාවන් විශාල වශයෙන් හානියට පත්වූ අතර මෙම වසරේ මුල් මාස තුන තුළ එළවළු මිල ඉහළ යාමට ද මෙම තත්ත්වය බලපා ඇති බව කෘෂිකර්ම දෙපාර්තමේන්තුව වැඩිදුරටත් පවසනවා.