පැසිෆික් සාගරයේ පිහිටි කිරිබාති නම් දිවයිනේ දැවැන්ත ගුවන් පථයක් ඉදිකිරීමේ චීන සැලසුම ගැන රටවල් රැසක අවධානය යොමුව ඇතැයි වාර්තා වේ.
වීනය මීට වසර දෙකකට පමණ පෙර කිරිබාතිය සමග සමීප ගනුදෙනු ආරම්භ කළ අතර මේ වනවිට එරට තුළ ව්‍යාපෘති රැසක් ආරම්භ කර ඇති බව සදහන් වේ.
ඔවුන්ගේ අලුත්ම ව්‍යාපෘතිය වන්නේ කිරිබාතියේ විශාල ප්‍රමාණයේ ගුවන් පථයක් ඉදිකිරීමයි.
එම රටට එවැනි දැවැන්ත ගුවන් පථයක් අනවශ්‍ය බවත් චීනයේ උත්සහය වී ඇත්තේ එය යොදාගෙන පැසිෆික් සාගරයේ තම ගුවන් බලය සහ නාවික බලය වර්ධනය කර ගැනීම බවත් අන්තර්ජාතික ආරක්ෂක විශේෂඥයන්ගේ අදහස වී තිබේ.
මේ සම්බන්ධයෙන් දැනටමත් ඇමරිකාව, ඕස්ට්‍රේලියාව සහ නවසීලන්තය සිය අවධානය යොමු කර ඇති බව අන්තර්ජාතික මාධ්‍ය වාර්තාවල දැක්වේ.
