කොළඹ වරාය නගරයේ ආයෝජනය කළවිට ලෝක ජනගහණයෙන් 50%කටම ප්‍රවේශවීමට අවස්ථාව ලැබෙන බව දැනගත් පසුව ඊට ආයෝජකයින් වැසි වසින බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජයන්ත වීරසිංහ මහතා පවසයි.
ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජයන්ත වීරසිංහ මහතා මේ බව පැවසුවේ පෙරේදා (21) රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවක් අමතමිනි.
“මෙතන ආයෝජනය කළොත් ලෝක ජනගහණයෙන් 50%කට පමණ, සම්පූර්ණ ජනගහණයෙන් 50%කට පමණ ප්‍රවේශ වීමට අවකාශ ලැබෙනවා. ආන්න ඒක දැනගත්තාම තමයි ආයෝජකයෝ මේකට වැහි වහින්නේ.
මෙතන අපි ඊයෙ පටන්ගත්තෙ සිංගල් වින්ඩෝ ඉන්වෙස්ටර් ෆැසිලිටි එකක්. එක කවුළුවකින් සේරම කරගන්න පුළුවන්. තොරතුරු තාක්ෂණ උපාධිධාරීන්ට මොන තරම් ඩිමාන්ඩ් එකක් අවශ්‍යතාවයක් ඇතිවෙනවාද කිව්වොත් සාමාන්‍යයෙන් කියන්නෙ මොරටුව විශ්වවිද්‍යාලයෙන් පිටවෙනකොටම ඒ උපාධිධාරියාව අවශ්‍ය වෙනවා මෙතෙන්ට. ආන්න එහෙම තත්වයක් තමයි මෙතන ඇතිවෙන්නෙ” යැයි ඒ මහතා පවසයි.
