හෙට (01) දින යෙදී ඇති මැයි දිනයට සමගාමීව සමඟි ජන බලවේගය විසින් සංවිධානය කර ඇති උත්සවයක වේදිකාවක් තැනීම සඳහා කොළඹ චැතම් වීදියේ, ටෙලිකොම් ආයතනය අසලින් පාර වසා තිබෙනවා.
සමගි ජන බලවේගයේ මැයි රැළිය කොළඹ ගුණසිංහපුර ක්‍රිඩාංගණයේ පෙළපාලියකින් චැතැම් වීදිය දක්වා පැමිණීමට නියමිතයි.
ඒ අනුව, චැතම් වීදිය හරහා මහා මාර්ගය අවහිර වන අයුරින් එම වේදිකාව ඉදි කර තිබෙනවා.
මේ හේතුවෙන් අද උදෑසන ඒ අසලින් ගමන් කරන ජනතාව විකල්ප මාර්ග භාවිත කිරීමට සිදුව ඇති අතර දැඩි මාර්ග තදබදයක්ද දක්නට ලැබුණා.
