පකිස්තානය කේන්ද්‍ර කරගෙන ක්‍රියාත්මක තරෙක් ඊ ලබායික් පකිස්තාන් හෙවත් TLP ඉදිරියේදී ලෝකයටම තර්ජනයක් විය හැකි ත්‍රස්ත සංවිධානයක් විය හැකි බවට අනතුරු අඟවා තිබේ.
කලක් පකිස්තාන හමුදාවේ සහ බුද්ධි අංශවල සහය ලැබූ මෙම සංවිධානය මේ වනවිට ඔවුන්ටද අවනත නොමැති ත්‍රස්ත සංවිධානයක් බවට පත්ව ඇතැයි විදෙස් මාධ්‍ය වාර්තා කරයි.
ඔවුන් විසින් පකිස්තානයේ මෙන්ම යාබද ඇෆ්ගනිස්තානයේද පසුගිය කාලය තුළ බරපතල ත්‍රස්ත ක්‍රියා ගණනාවක් සිදු කර ඇති බවට මේ වනවිට හෙළිවී තිබේ.
මෙම සංවිධානය අනාගතයේදී තලේබාන්, අල්කයිඩා වැනි සංවිධාන තරමටම ලෝකවට තර්ජනයක් විය හැකි බව අන්තර්ජාතික ආරක්ෂක විශ්ලේෂකයන් උපුටා දක්වන විදෙස් මාධ්‍ය වැඩිදුරටත් වාර්තා කරයි.
මේ පසුබිම තුළ පකිස්තානය විසින් පසුගිය අප්‍රේල් මාසයේ සිට TLP සංවිධානය එරට තුළ තහනම් කිරීමටද පියවර ගනු ලැබිණ.
