දැනට පනවා ඇති දැඩි සංචරණ සීමා ජුනි මස 7 වනදා දක්වා ලිහිල් කිරීමකින් තොරව අඛණ්ඩව පවත්වාගෙන යාමට අද ජනාධිපතිවරයා සමඟ පැවැත්වූ සාකච්ඡාවේදී තීරණය කර තිබෙනවා.
ඒ අනුව මීට පෙර දැනුම් දී තිබූ ජනතාවට අත්‍යවශ්‍ය භාණ්ඩ මිළට ගැනීම සඳහා මැයි 31 සහ ජුනි 4වන දින සංචරණ සිමා ලිහිල් කිරීම අහෝසිවනවා.
රටපුරා සීඝ්‍රයෙන් පැතිර යන කොවිඩ් 19 වසංගත රෝග තත්වය පාලනය කිරීම සඳහා මේ වනවිට පනවා ඇති සංචරණ සීමා ලිහිල් කිරීම පිළිබඳව සාකච්ඡාවට ගැනෙන තීරණාත්මක සාකච්ඡාව අද (28) පෙරවරුවේ ජනපති ගෝඨාභය රාජපක්ෂ මහතාගේ ප්‍රධානත්වයෙන් ආරම්භ වුණා.
මෙම සාකච්ඡාවේදී දැඩි සංචරණ සීමා පනවා ඇති කාලසීමාව තුලදී ලබාදුන් සහන කාලය තුල ජනතාවගේ හැසිරීම සතුටුදායක මට්ටමක නොතිබූ බව ආරක්ෂක අංශ සහ වෛද්‍ය අංශ පෙන්වා දී තිබෙනවා.
