ඉන්දියාව තුළ 5G රැහැන් රහිත දුරකථන සම්බන්ද ජාලය ක්‍රියාත්මක කිරීමට එරෙහිව සුපිරි බොලිවුඩ් නිළියක් මෙන්ම පරිසර ක්‍රියාකාරනියක් වන ජුහී චව්ලා නඩු පවරා තිබෙනවා.
දිල්ලි මහාධිකරණය වෙත අදාළ නඩුව ගොනුකරමින් ජුහී චවුලා පවසන්නේ තමන් තාක්ෂණික දියුණුවට විරුද්ධ නැති නමුත් 5G වලින් ලැබෙන විකිරණ මිනිසුන්ට අතිශයින්ම හානිකර යැයි විශ්වාස කිරීමට තරම් ප්‍රමාණවත් සාක්ෂි ඇති බවයි.
5G යනු ජංගම දුරකතන බ්‍රෝඩ්බෑන්ඩ් සබදතාවල නවතම යාවත්කාලීන කිරීමයි.
ජුහී චවුලා පවසන්නේ අදාළ ක්‍රියාවලිය මගින් විමෝචනය කෙරෙන විකිරණ මගින් සිදුකෙරෙන බලපෑම පිළිබදව විධිමත් අධ්‍යයනයකින් අනතුරුව එය හදුන්වාදිය යුතු බවයි.
එමෙන්ම එයින් පරිසර පද්ධතියට, සෞඛ්‍යයට, මිනිස් ජීවිතයට සිදුකෙරෙන බලපෑමද සොයා බැලිය යුතු බවයි ඇය සදහන් කරන්නේ.
නිළි ජුහී චව්ලාගේ මෙම ක්‍රියාමාර්ගය බොහෝ දෙනාගේද ප්‍රශංසාවට ලක් වී තිබෙනවා.
