මින් අනතුරුව සංචරණ සීමා උල්ලංඝනය කරමින් වාහන පදවන පිරිස් අත්අඩංගුවට ගැනීමෙන් පසු අධිකරණයට ඉදිරිපත් කර නිරෝධායනය සඳහාද යොමුකිරිමට කටයුතු කෙරෙන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසනවා.
මෙම ක්‍රියාවලියට අදාළ උපදෙස් මේ වනවිටත් සියලු පොලිස් ස්ථානාධිපතිවරුන් වෙත යොමුකර ඇති බවයි ඔහු පවසන්නේ.
ඒ අනුව මින් ඉදිරියට සංචරණ සීමා පනවා ඇති කාලය තුළ අනවසරයෙන් වාහන පදවාගෙන යන පිරිස් නිරෝධායනයටද යොමු කෙරෙනු ඇති.
කෙසේ වෙතත් නිරෝධායන ක්‍රියාවලිය යනු වරදකට දෙන දඩුවමක් නොවන බව පසුගියදා දැඩි කතාබහකට ලක්වූ හිරු ටීවි නාලිකාවේ විකාශය වූ ‘සලකුණ’ වැඩසටහනේදීම අජිත් රෝහණ මහතා පවසා සිටියා.
එවැනි තත්ත්වයක් තුළදී සංචරණ සීමා උල්ලංඝණය කරමින් කටයුතු කරන පුද්ගලයින් නිරෝධායනයට ලක්කිරීම සිදුකරන බව ඔහු විසින්ම නිවේදනය කිරීම හාස්‍යයට කරුණක්.
