කොවිඩ් -19 පරීක්ෂණයේ ප්‍රතිඵල සැඟවීම සම්බන්ධයෙන් ඉන්දුනීසියාවේ ප්‍රබල පූජකයෙකුට වසර හතරක සිර දඬුවමක් නියම කර තිබේ.
ජකර්තා දිසා අධිකරණයේ ත්‍රිපුද්ගල විනිසුරු මඬුල්ලක් විසින් මෙම තීන්දුව ප්‍රකාශයට පත් කළේ දැඩි පොලිස් සහ හමුදා ආරක්ෂාව යටතේය.
රිසික් ෂිහාබ් නමැති තැනැත්තා ඔහුගේ කොවිඩ්-19 පරීක්ෂණ ප්‍රතිඵලය පිළිබඳ අසත්‍ය ප්‍රකාශ කර ඇති බව විනිසුරු මඬුල්ල ප්‍රකාශ කරන ලදී.
ෂිහාබ්, “ව්‍යාජ තොරතුරු ප්‍රකාශ කිරීම සහ මහජනතාව අතර ව්‍යාකූලත්වයක් ඇති කිරීම” සම්බන්ධයෙන් වැරදිකරු බවත් වසර හතරක සිර දඬුවමක් නියම කරන බව ද අධිකරණය දන්වා තිබේ.
තීන්දුව ලබා දෙන අවස්ථාවේ රිසික් ෂිහාබ්ගේ ආධාරකරුවන් විශාල පිරිසක් පිටත රැස්ව සිටි බව වාර්තා වේ.
