කවුරුන් හෝ නිරෝධායන රීති කඩකරන්නේ නම් ඔවුන්ට එරෙහිව තදින් නීතිය ක්‍රියාත්මක කරන ලෙස පොලීසියට දන්වා ඇති බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසනවා.
ඇය සදහන් කරන්නේ සෞඛ්‍ය මාර්ගෝපදේශ කඩන ජෝසෆ් ස්ටාලින්, වී. අයි ලෙනින්, කාල් මාක්ස්, පියුමි හංසමාලි හෝ PHI මහත්තයාගේ මුහුණට කෙළ ගහපු මොහොමඩ් ඇතුළු කාටත් එක හා සමානව නීතිය ක්‍රියාත්මක කරන්න පොලීසියට සිද්ධ වන ලෙසයි.
සෞඛ්‍ය අමාත්‍යාංශය සෞඛ්‍ය මාර්ගෝපදේශ පනවන්නේ ජෝසෆ් ස්ටාලින් වෙනුවෙන්වත්, වී. අයි ලෙනින් වෙනුවෙන්වත්, කාල් මාක්ස් වෙනුවෙන්වත් එහෙමත් නැත්නම් වෙන කවුරුවත් වෙනුවෙන්වත් නොවන බවත් ලෝකයේම පිළිගත් ආකාරයට බවත් ඇය වැඩිදුරටත් සදහන් කරනවා.
අමාත්‍ය පවිත්‍රා වන්නි ආරච්චි මහත්මිය සදහන් කරන්නේ ඕනෑම පුද්ලයෙකු එම මාර්ගෝපදේශ කඩකරන්නේ නම් නීතිය තදින් ක්‍රියාත්මක කිරීමට සෞඛ්‍ය අමාත්‍යාංශය උපදෙස් දී ඇති බවයි.
ගුරු වෘත්තීය සමිතිවල ප්‍රධානියා පාරට බැහැලා සෞඛ්‍ය මාර්ගෝපදේශ කඩකරන අවස්ථාවකදී දරුවන්ට සෞඛ්‍ය මාර්ගෝපදේශ පිළිපදින්නැයි පවසන්නේ කෙසේදැයි ඇය මෙහිදී ප්‍රශ්න කර සිටියා.
අදාළ විරෝධතා දේශපාලන පක්ෂවල උවමනාව මත සිදුකරන බවත් මෙම ඊනියා වෘත්තීය සමිති සටන් දෙවියන්ගේ නාමයෙන් නවත්වන ලෙසත් ඇය මෙහිදි ඉල්ලා සිටියා.
