තායිවානයේ ක්‍රියාත්මක TSMC සහ ෆොක්ස්කොන් යන මහා පරිමාණ තාක්ෂණික සමාගම් විසින් ජර්මනියෙන් කොරෝනා එන්නත් මිලට ගෙන එරට රජයට පරිත්‍යාග කිරීමට සූදානම් වේ.
විදෙස් මාධ්‍ය වාර්තා කරන්නේ මෙම සමාගම් ජර්මනියේ බයෝඑන්ටෙක් සමාගමෙන් සෘජුව කොරෝනා එන්නත් මිලියන දහයක් ලබා ගැනීමට කටයුතු කර ඇති බවයි.
එම එන්නත් තායිවාන ජනතාවගේ භාවිතය සදහා එරට රජයට පරිත්‍යාග කරන බව එම සමාගම් ප්‍රකාශ කර තිබේ.
අදාළ සමාගම් සහ තායිවාන බලධාරීන් චීනයෙන් කොරෝනා එන්නත් ලබා නොගෙන බටහිර එන්නත් කෙරෙහි විශ්වාසය තබා ඒවා මිලදී ගැනීම චීනයට එල්ල කළ දේශපාලන සරදමක් බව දේශපාලන විශ්ලේෂකයෝ සදහන් කරති.
පසුගියදා චීන ජනාධිපති ෂී ජින්පිං තායිවානය චීනයේ කොටසක් බව යළි අවධාරණය කළ අතර එම පසුබිම තුළ මෙම ක්‍රියාමාර්ගය චීනයට සරදම් කිරීමක් ලෙස එම විශ්ලේෂකයෝ වැඩිදුරටත් පෙන්වා දෙති.
