ලඩාක් ප්‍රදේශය කේන්ද්‍ර කරගෙන පවතින දේශසීමා අර්බුදය සම්බන්ධයෙන් ඉන්දීය සහ චීන විදේශ අමාත්‍යවරු පැයක පමණ කාලයක් සාකච්ඡාවක නිරත වී තිබේ.
විදෙස් මාධ්‍ය වාර්තා කළේ තජිකිස්තානයේ ඩුෂන්බේ අගනුවර පැවැත්වෙන ෂැංහයි සහයෝගීතා රටවල විදේශ අමාත්‍යවරුන්ගේ සමුලුව අතරවාරයේ ඉන්දු සහ චීන විදේශ අමාත්‍යවරුන් දෙදෙනා අතර වෙනම සාකච්ඡාවක් පවත්වා ඇති බවයි.
අර්බුදකාරී දේශසීමාව චීනය විසින් තනිව තීරණය කිරීම පිළිගත නොහැකි බව ඉන්දීය විදේශ අමාත්‍ය එස් ජයිශංකර් මෙහිදී ප්‍රකාශ කර ඇතැයි සදහන් වේ.
දේශසීමාවේ සාමය සහ ස්ථාවරත්වය පවත්වාගෙනයාම චීන විදේශ අමාත්‍ය වැන්ග් යී ද මෙහිදී පිළිගෙන ඇති බව සදහන් වේ.
දෙදහස් විස්ස වසරේ, ජූනි මාසයේදී ලඩාක්හි,ගල්වාන් මිටියාවතේ හටගත් ගැටුමින් චීන සහ ඉන්දීය යන දෙපාර්ශවයටම හානි සිදුවූ අතර එහිදී මතුවූ දේශසීමා අර්බුදය තවමත් ස්ථිර ලෙස නිරාකරණය වී නොමැත.
