තර්ජන හේතුවෙන් රටින් බැහැරව වෙනත් රටවල ජීවත්වන විරුද්ධවාදීන් සහ මානව හිමිකම් ක්‍රියාකාරිකයන්ට විවිධ හිරිහැර සහ තර්ජන කරන බවට පකිස්තානයට චෝදනාවක් එල්ල වී තිබේ.
එරට මානව හිමිකම් ක්‍රියාකාරිකයන් සහ සිවිල් සංවිධාන චෝදනා කරන්නේ ආණ්ඩුවට සහ ආරක්ෂක අංශවලට සම්බන්ධ පිරිස් මෙම හැසිරීම්වලට වගකිය යුතු බවයි.
බ්‍රිතාන්‍යය, ඇමරිකාව සහ කැනඩාව යන රටවල පිටුවහල්ව ජීවත්වන මානව හිමිකම් ක්‍රියාකාරිකයන් සහ ජනමාධ්‍යවේදීන් කිහිපදෙනෙකුම පසුගිය මාස කිහිපය තුළ විවිධ කුලී අපරාධකරුවන් විසින් තර්ජනයට ලක්කර ඇති බවත්, ඔවුන් ඝාතනය කිරීමේ ප්‍රයත්නයන් පවා දියත්ව ඇති බවත් මෙහිදී හෙළිවී තිබේ.
මේ සම්බන්ධයෙන් බ්‍රිතාන්‍යය තුළ නඩු විභාගයක් පවා ආරම්භ වී ඇති බව අදාළ ක්‍රියාකාරීහු සහ සංවිධාන පෙන්වා දෙති.
මේ අතර පසුගිය වසරේදී කැනඩාවේදී සහ ස්විඩනයේදී පිළිවෙළින් බලුච් ක්‍රියාකාරිනියක වන කරීමා බලුච් සහ ජනමාධ්‍යවේදීයෙකු වූ සජිඩ් හුසේන් අභිරහස් ලෙස මරණයට පත්වූ අතර ඒවාද සැකසහිත ක්‍රියා බව මෙම පාර්ශවවල අදහසයි.
