තමන්ව ඉලක්ක කරගෙන සිදුවන මර්දනකාරී ක්‍රියාවන් ඉහළ ගොස් ඇති බවට පකිස්තානයේ ෂියා මුස්ලිම් ප්‍රජාව ප්‍රකාශ කරති.
එහි නායකයන් මාධ්‍ය හමුවෙි ප්‍රකාශ කර ඇත්තේ ෂියා මුස්ලිම්වරුන් පවුල් පිටින් අතුරැදන්වීමේ සිදුවීම් ඉහළ ගොස් ඇති බවයි.
මෙම පිරිස්වලට සිදුවූයේ කුමක්ද යන්නවත් තමන් නොදන්නා බව එම පිරිස මෙහිදී හෙළි කළහ.
ආණ්ඩුක්‍රම ව්‍යවස්ථාව ඇතුළු විවිධ නීති මගින් තමන්ට රැකවරණය සලසා ඇති බව ප්‍රකාශ කළත් එය ප්‍රායෝගිකව ක්‍රියාත්මක නොවන බව ද ඔවුහු සදහන් කරති.
සින්ද් ප්‍රාන්ත මහාධිකරණය පවා ෂියාවරැන්ගේ අයිතිවාසිකම් ආරක්ෂා කිරීම සම්බන්ධයෙන් අවධානය යොමු කළ යුතු බවට ප්‍රකාශ කර තිබිණ.
පකිස්තානය තුළ ෂියා මුස්ලිම්වරුන් මිලියන 16ක් පමණ ජීවත්වන අතර එය සමස්ත ජන සංඛයාවෙන් සියයට 10 කට ආසන්න වේ.
