ඇෆ්ගනිස්තානය අසාදු ලේඛනගත කිරීම සම්බන්ධයෙන් බ්‍රිතාන්‍යයේ අවධානය යොමුව ඇතැයි වාර්තා වේ.
විදෙස් මාධ්‍ය සදහන් කළේ මේ පිළිබද වන ඉහළ පෙළේ සාකච්ඡාවක් මෙම සති අන්තයේදී පැවැත්වෙන බවයි.
ඒ අනුව ඇෆ්ගනිස්තානය සමග සිදුකෙරෙන සියලු ගනුදෙනු නවතා දැමීම සදහා කටයුතු කිරීමට අවධානය යොමුව ඇතැයි වාර්තා වේ.
මේ යටතේ කිසියම් බ්‍රිතාන්‍යය වැසියෙකු ඇෆ්ගනිස්තානයේ සංචාරය කළහොත් ඔහුව වසර දහයක් දක්වා කාලයකට බන්ධනාගාරගත කිරීමකට ලක්කිරීමකට පවා අවකාශ ලැබෙන බව සදහන් වේ.
මීට අමතරව ඇෆ්ගනිස්තානයේ නීති විරෝධී පාලනයට එරෙහිව ගත හැකි සියලු ක්‍රියාමාර්ග ගැනීමට පසුබට නොවන බව ද බ්‍රිතාන්‍යය බලධාරීන් පැවසූ බව රොයිටර් පුවත් සේවය වාර්තා කර තිබේ.
