පකිස්තානයේ සින්ද් ප්‍රාන්තය තුළ කාන්තාවන්ට එරෙහි මානව හිමිකම් උල්ලංඝනයවීම් පසුගිය වසරේදී වාර්තාගත ලෙස ඉහළ ගොස් ඇතැයි වාර්තා වේ.
විදෙස් මාධ්‍ය වාර්තා කළේ 2020 දී එවැනි සිදුවීම් 728 ක් වාර්තා වී ඇති බවයි.
ඒවා අතර පවුලේ ගෞරවය වෙනුවෙන් කාන්තාවන් මරා දැමීම්, පැහැරගෙනයාම්, බලහත්කාරයෙන් විවාහ කර ගැනීම්, අපයෝජනයට ලක්කිරීම් මෙන්ම ගෟහස්ථ හිංසනයන් වන බව සදහන් වේ.
මේවා පාලනය කිරීම සදහා බලධාරීන් වෙත අවස්ථා ගණනාවක දී නියෝග කර ඇතත් ඒවා නිසි ලෙස ක්‍රියාත්මක නොවන බව සින්ද් මානව හිමිකම් කොමිසමේ සභාපති විශ්‍රාමික විනිසුරු මජීඩා රිස්වි සදහන් කර ඇත.
මෑතකදී ඇමරිකා එක්සත් ජනපද රාජ්‍ය දෙපාර්තමේන්තුව විසින් නිකුත් කළ වාර්තාවක් මගින් ද පකිස්තානයේ කාන්තාවන්ට එරෙහි මානව හිමිකම් උල්ලංඝනය වීම් සම්බන්ධයෙන් පුලුල් අවධානයක් යොමු කර තිබිණ.
