වටවල – කුයිල්වත්ත දෙමළ විද්‍යාලයේ 12 වන ශ්‍රේණියේ ඉගෙනුම ලබන සිසුවෙකුට කොවිඩ් – 19 වෛරසය ආසාදනය වී තිබෙනවා.
පසුගිය දිනෙක මෙම සිසුවා සිය මිත්තණිය සමග ඔහුගේ මව සහ පියා පදිංචිව සිටින ඔරුගොඩවත්තේ පිහිටි නිවසට ගොස් තිබුණා.
ඉන් අනතුරුව පෙරේදා (24) දිනයේ ඔවුන් නැවත නිවසට පැමිණෙන අතරතුරදී ගිනිගත්හේන කළුගල පොලිස් මුරපොළේදී ඔහුට සහ මිත්තණියට අහඹු ලෙස PCR පරීක්ෂාවක් සිදුකර තිබෙනවා.
කෙසේ වෙතත් එම PCR පරීක්ණයේ ප්‍රතිඵල ලැබීමට පෙර ඊයේ (25) අදාල සිසුවා පාසලට පැමිණ ඇතත් පාසල් බලධාරීන් ඔහුව යළි නිවෙස වෙත පිටත්කර යවා තිබුණා.
පසුව ඔහුගේ PCR පරීක්ෂණයේ ප්‍රතිපල ලැබී ඇති අතර එහිදී පාසල් සිසුවා කොවිඩ් ආසාදිත බවට හඳුනාගෙන තිබෙනවා.
මේ හේතුවෙන් අද (26) එම පාසල් භූමියද සම්පූර්ණයෙන් විෂබීජහරණයට ලක් කෙරුණා.
