කොළඹ පුරහල ආසන්නයේ ලිප්ටන් වටරවුමට ආසන්නයෙන් ඔඩෙල් වෙළෙඳ සංකීර්ණය ඉදිරිපිට ඇති වටරවුමෙහි පුද්ගලයෙකු දිය නාමින් සිටින වීඩියෝවක් මේ දිනවල සමාජ මාධ්‍යයන්හී සංසරණය වනවා.
එම වටරවුමේ ඉදිකර ඇති වතුර මල උපයෝගී කරගනිමින් එයට බැස මෙම පුද්ගලයා සබන් ගා දිය නාමින් සිටින අයුරු අදාළ වීඩියෝවේ දැක්වෙනවා.
එම ස්ථානය පසුකරමින් වාහන රැසක් ගමන් කළද ඔහු තමන්ගේ පාඩුවේ නිවසේ නානකාමරයේ මෙන් දිය නාන ආකාරය දක්නට ලැබෙනවා.
කෙසේ වෙතත් අදාළ වීඩියෝවේ විශේෂත්වය වන්නේ රට තවදුරටත් වසා දමා ඇති මොහොතක කොළඹ නගරයේ ධාවනය වන අධික රථවාහන සංඛ්‍යාවද මෙම වීඩියෝව මගින් දක්නට ලැබීමයි.
