පොළොන්නරුව ජලගැලුම් නිම්න ජාතික වනෝද්‍යානය හරහා මනම්පිටිය සිට යක්කුරේ දක්වා නීති විරෝධී ලෙස මාර්ගයක් ඉදිකිරීම සම්බන්දයෙන් හා වනජීවී රක්ෂිතය තුළ අනවසරයෙන් වගා කිරීම සම්බන්දයෙන් වනජීවී දෙපාර්තමේන්තුව අධිකරණයට කරුණු වාර්තා කර තිබුණා.
පසුව එම ඉඩම් නැවතත් වනජීවී දෙපාර්තමේන්තුව වෙත පවරා දීමට අධිකරණය නියෝග කර තිබෙනවා.
වනජීවී රක්ෂිත තුළට ගවයන් ඇතුළු කිරීමට ප්‍රදේශවාසීන් කටයුතු කරන බැවින් ඒ පිළිබදව
පොළොන්නරුවෙ – ඕනෑගම ප්‍රදේශයේ ප්‍රදේශවාසීන් පොළොන්නරුව ජලගැලුම් නිම්න ජාතික වනෝද්‍යානය තුළට ගවයින් ඇතුළු කිරීමට කටයුතු කිරීමේදී ඊට වනජීවී නිලධාරීන් බාධා කිරීම පිළිබදව ඊයේ (26) වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩ පිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍ය විමලවීර දිසානායක මහතා සමඟ සාකච්ඡාවක් පවත්වූවා.
එහිදී ගවයන් රක්ෂිතය තුළට ඇතුළු කිරීමට අමාත්‍යවරයා අවසර ලබාදී තිබීම හේතුවෙන් එම ස්ථානයට පැමිණි වනජීවී නිලධාරීන් ඊට විරෝධය පළ කළා.
ඔවුන් එහිදී සදහන් කර ඇත්තේ රක්ෂිතය තුළට ගවයින් ඇතුළු කිරීම වනසත්ව හා වෘක්ෂලතා ආරක්ෂක ආඥා පනතට පටහැනි බවයි.
ඊට අමතරව පොළොන්නරුව ජලගැලුම් නිම්න ජාතික වනෝද්‍යානය හරහා මනම්පිටිය සිට යක්කුරේ දක්වා නීති විරෝධී ලෙස මාර්ගයක් ඉදිකිරීම සම්බන්දයෙන් හා වනජීවී රක්ෂිතය තුළ අනවසරයෙන් වගා කිරීම සම්බන්දයෙන්ද මෙහිදී කතාබහට ලක්ව තිබෙනවා.
එහිදී වනජීවී නිලධාරීන් හා රාජ්‍ය අමාත්‍යවරයා අතර උණුසුම් වචන හුවමාරුවක් ඇතිවුණා.
එහි දර්ශන පහතින්,
