එක් චීනයක් ක්‍රම දෙකක් යටතේ චීනය සමග සහයෝගයෙන් ඉදිරියට යාමේ පිළිවෙතකට තායිවාන ජනතාවගෙන් 83.9% අකමැත්ත පළ කර තිබේ.
තායිවානයේ අභ්‍යන්තර සබදතා කවුන්සිලය විසින් පැවැත්වූ මත විමසුමකදී එම ජනතාව පවසා ඇත්තේ තායිවානය ශක්තිමත් ආරක්ෂිත රටක් ලෙස නැගී සිටිය යුතු බවයි.
තායිවාන ජනාධිපති ත්සායි ඉන් වෙන්ග් විසින් ඉදිරිපත් කර ඇති තායිවානය චීනයේ බලපෑම්වලට සහ ආධිපත්‍යයට එරෙහිව ශක්තිමත්ව කටයුතු කළ යුතු බවට වන යෝජනාවටද බහුතර ජනතාවගේ කැමැත්ත පළව ඇති බව එරට වාර්තා වැඩිදුරටත් සදහන් කරයි.
චීනයේ බලපෑමට එරෙහිව ඇමරිකාව ඇතුළු බටහිර රටවල් සමග සහයෝගයෙන් කටයුතු කළ යුතු බවට ද තායිවාන ජනතාවගෙන් 80% වැඩි පිරිසක් සදහන් කරන බව විදෙස් වාර්තාවල දැක්වේ.
