කැනඩාවේ ෆෙඩරල් මැතිවරණයෙන් ජස්ටින් ටෲඩෝ ජය ලබා ඇතැයි එරට පුවත් සේවා වාර්තා කර යි.
පාර්ලිමේන්තුවේ බහුතරයක් අපේක්ෂාවෙන් නියමිත කාලයට වසර දෙකකට පෙර මහ මැතිවරණය පැවැත්වීමට කැනේඩියානු අග්‍රාමාත්‍යවරයා ඉකුත් අගෝස්තු මාසයේ දී තීරණය කළේ ය.
මෙවර මැතිවරණය කැනඩාවේ 44 වැනි මහ මැතිවරණය යි.
කැනඩාවේ පාර්ලිමේන්තුව ආසන 338කින් සමන්විත අතර ඊට සභිකයන් තෝරාගැනීම සඳහා මෙම මහ මැතිවරණය පැවැත්විණි.
කෙසේ නමුත් අපේක්ෂා කළ පරිදි බහුතරය තහවුරු කරගැනීමට කැනඩාවේ අග්‍රාමාත්‍යවරයා අසමත් වී ඇත.
අග්‍රාමාත්‍ය ජස්ටින් ටෲඩෝ කැනඩාවේ ලිබරල් පක්ෂය නියෝජනය කරන අතර දැනට ප්‍රකාශිත ඡන්ද අනුව අග්‍රාමාත්‍යවරයාගේ පක්ෂය ආසන 338න් ආසන 156ක බලය දිනාගැනීමට සමත්ව ඇත.
කැනඩාවේ පාර්ලිමේන්තු මැතිවරණය එනම් සැප්තැම්බර් 20, එනම් ඊයේ පැවැත්විණි.
මේ වනවිට ඡන්ද සියයට 80කට ආසන්න ප්‍රමාණයක් ගණනයක් කර ඇතැයි ද කැනේඩියානු මාධ්‍ය වාර්තා කරයි.
පාර්ලිමේන්තුවේ බහුතරය දිනාගැනීමට නම් ආසන 170ක බලය තහවුරු කරගත යුතු වේ.
