බලශක්ති පරිභෝජන ඉලක්ක සම්පූර්ණ නොකළ සමාගම් 160 ක් පමණ තාවකාලිකව වසා දැමීමට චීනයේ ෂින්ජියෑන්ග් ප්‍රාන්ත බලධාරීන් තීරණය කර තිබේ.
ප්‍රාන්තයේ රෙදිපිළි, රසායන ද්‍රව්‍ය වැනි නිෂ්පාදන කර්මාන්තශාලා රැසක් මෙම තාවකාලික තහනම හේතුවෙන් වසා දමා ඇති බව විදෙස් මාධ්‍ය වාර්තා කරයි.
කාබන් විමෝචනය අවම කිරීමේ අරමුණින් දැනට පවතින බලශක්ති පරිභෝජනය 2025 වනවිට 5%කින් අවම කිරීමට චීන මධ්‍යම රජය ප්‍රාන්තවලට උපදෙස් නිකුත් කර තිබේ.
ඒ අනුව ඒ ඒ ප්‍රාන්ත බලධාරීන් ද නිෂ්පාදන සමාගම් වෙත බලශක්ති භාවිතය අවම කිරීමේ ඉලක්ක ලබාදී ඇති බව සදහන් වේ.
එම ඉලක්ක සපුරාගත නොහැකි වූ සමාගම් මෙලෙස තාවකාලිකව වසා දමා ඇති බව චීන වාර්තා වැඩිදුරටත් සදහන් කරයි.
කෙසේවෙතත් මෙම තත්වය චීනයේ රෙදිපිළි නිෂ්පාදන කර්මාන්තය ආශ්‍රිත නිෂ්පාදනය අඩාලවීමට බලපානු ඇති බවට ද වාර්තා පළවී තිබේ.
