දේශසීමාව උල්ලංඝනය කිරීම සදහා පකිස්තාන ආරක්ෂක අංශ අවස්ථා දෙකකදී ත්‍රස්ත කල්ලිවලට සහය පළකර ඇතැයි ඉන්දියාව චෝදනා කරයි.
ඉන්දීය යුද හමුදාපති ජනරාල් මනෝජ් මුකුන්ද් නර්වානේ සදහන් කර ඇත්තේ පසුගිය පෙබරවාරි මාසයේ සිට ජූනි මස අග දක්වා කාලය තුළ ඉන්දු පකිස්තාන දේශසීමාවේ දෙරටේ හමුදා විසින් සිදුකරන ලද කිසිදු දේශසීමා උල්ලංඝනය කිරීමක් සිදුව නොමැති බවයි.
එහෙත් අවස්ථා දෙකකදී ත්‍රස්ත කණ්ඩායම්වල එවැනි උත්සහයන් සදහා පකිස්තාන හමුදාවේ සහය පළව ඇති බවත් එවැනි ක්‍රියා සදහා සහය පළ නොකරන ලෙස පකිස්තානයට අවධාරණය කරන බවත් ඉන්දීය හමුදා ප්‍රධානියා වැඩිදුරටත් අවධාරණය කර තිබේ.
දේශසිමා එකගතා කඩ නොකිරීමට දෙපාර්ශ්වයම පසුගිය පෙබරවාරි මාසයේදී යළි එකග වූ අතර එතැන් සිට ගතවූ කාලසීමාවේ එය කඩකිරීම් පිළිබද වාර්තා නොවුණත් පසුගිය දින දහයක කාලය තුළ යම් උණුසුම් වාතාවරණයක් මතුව ඇති බව විදෙස් වාර්තාවල දැක්වේ.
