මෙරට ගුරු දිනය සමරනු ලබන අද (06) දිනයේදී දිවයින පුරා විරෝධතා ක්‍රියාමර්ග සිදුකිරීමට බලාපොරොත්තු වන බව ගුරු වෘත්තීය සමිති පවසනවා.
තම වෘත්තීය සමිති ක්‍රියාමාර්ග හකුලාගැනීමට කිසිසේත්ම කටයුතු නොකරන බවයි ඔවුන් සඳහන් කරන්නේ.
දින 87ක් ගතවී ඇතත් ගුරු වැටුප් ගැටළුව විසඳීමකින් තොරව රජය මේ වනවිට පළාත් සභා පාසල් විවෘත කිරීමට සූදානම් වන නමුත් එහි ඉගැන්වීම් කටයුතු සිදුකිරීමට තමන් සූදානම් නොමැති බවයි ගුරු වෘත්තීය සමිති නියෝජිතයින් පෙන්වා දෙන්නේ.
මේ සම්බන්ධයෙන් අදහස් දක්වන ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් මහතා,”අද දිනයේදී අපි ලංකාව පුරාම උද්ඝෝෂණ මාලාවක් සංවිධානය කරලා තියෙනවා. ගුරු – විදුහල්පති වැටුප් ගැටලුවට ආණ්ඩුව විසඳුමක් ලබා නොදෙන තත්ත්වයක් තුළ තමයි මේක සංවිධානය කරලා තියෙන්නේ. දින 87ක් අදට.”
