පසුගිය ජනාධිපතිවරණයේදීත් මහමැතිවරණයේදීත් ශ්රී ලංකා පොදුජන පෙරමුණට සහය දැක්වූ කලකරුවන් අතර ඉදිරියෙන්ම සිටි ප්රවීණ රංගන ශිල්පිනී නිල්මිණි තෙන්නකෝන් මහත්මිය සහ දියණිය ළඟදීම රට හැර යෑමේ සූදානමින් සිටිනවා.
ඇය Youtube නාලිකාවක් සමඟ පැවති සම්මුඛ සාකච්ඡාවකදී පැවසුවේ තමන් ශ්රී ලංකාවට ඉතාමත් ආදරය කරන බවත් මෙරට දමා යෑම වේදනාත්මක බවත්ය.
විදේශයක සදාකාලිකවම නැවතීමටද ඉඩ ඇති නමුත් රංගන කටයුතු සඳහා විටින් විට පැමිණීමට ඉඩ ඇති බවයි ඇය පවසන්නේ.
තමා ගෝඨාභය රාජපක්ෂ මහතාගේ අසල්වැසියෙකු වීම ඔහුට සහය දැම්වීමට හේතුවක් වූ බවත් ඊට පෙර තමාට අනතුරක් වූ විට මහින්ද රාජපක්ෂ මහතා තමාට උපකාර කිරීමේ කෘතගුණ දැක්වීමද ඊට හේතු වූ බවත් ඇය පවසනවා.
තමාට සහය පලකරන්නැයි සජිත් ප්රේමදාස මහතා තමාගෙන් ඉල්ලූ විටද එය ප්රතික්ෂේප කළේ මහින්ද රාජපක්ෂ මහතා කළ උපකාරය හේතුවෙන් නිසා බව ඇය පවසනවා.
කෙසේ නමුත් කාන්තාවන් වෙනුවෙන් සජිත් ප්රේමදාස මහතා සිදුකරන ඕනෑම කටයුත්තකට උපකාර කරන බවට තමන් පොරොන්දු වූ බවත් ඇය පවසා සිටිනවා.
මේ අතර, ජනප්රිය රංගන ශිල්පිණී ඕෂධී හේවාමද්දුම මහත්මිය පවසා සිටින්නේ ඇය මැතිවරණයෙන් ජයග්රහණය කළේ නම් අනෙක් පුද්ගලයන්ට මෙන්ම තමන්ටද ‘නැට්ට ගසාගෙන’ සිටීමට සිදුවනු ඇති බවයි.
රටේ වත්මන් තත්වය හේතුවෙන් තමන්ගේ රූපලාවණ්යාගාරයද පාඩු ලබන තත්ත්වයකට පත්ව ඇති බව ඇය පවසනවා.