චීනය විසින් ක්‍රියාත්මක කිරීමට යන නව දේශසීමා ආරක්ෂණ නීතිය සම්බන්ධයෙන් සිය අවධානය යොමු කර ඇති බව ඉන්දියාව පවසයි.
ඉන්දීය විදේශ අමාත්‍යාංශය ප්‍රකාශක අරින්ද්‍රම් බගාචි සදහන් කරන්නේ මේ පිළිබද තම රට ඉතා සැළකිල්ලෙන් අවධානය යොමුකර ඇති බවයි.
චීනය ලබන ජනවාරි පළමුවනදා සිට සිය දේශසීමාවේ ආරක්ෂාව වෙනුවෙන් නව නීතියක් හදුන්වා දෙන අතර පසුගියදා එයට අදාළ අනුමැතිය හිමිවිය.
නව නීතිය යටතේ චීන ආරක්ෂක අංශවලට දේශසීමාවල ආරක්ෂක සම්බන්ධයෙන් දැඩි ක්‍රියාමාර්ග ගැනීමට ඉඩ ලැබෙන බව පැවසේ.
මේ සම්බන්ධයෙන් අදහස් පළකරමින් ඉන්දීය විදේශ අමාත්‍යාංශය ප්‍රකාශකයා සදහන් කර ඇත්තේ දේශසීමා සම්බන්ධයෙන් දැනට දෙරට අතර පවතින එකගතාවලට චීනයේ නව නීතිය ගැටලුවක් නොවිය යුතු බවයි.
චීනය සහ ඉන්දියාව අතර ලඩාක්, අරුණාචාල්, හිමාචාල් ප්‍රදේශ් ඇතුළු ප්‍රදේශ ගණනාවක් ආශ්‍රිතව දේශසීමා ගැටලු පවතී.
